បើនិយាយពីម៉ាក់រថយន្តតូយ៉ូតា ម្នាក់ៗគឺបានស្គាល់ច្បាស់ និងបានឆ្លងកាត់ការប្រើប្រាស់ដំបូងនៅក្នុងព្រះរាជាណាចក្រកម្ពុជា ក្នុងអំឡុងពេលអ៊ុនតាក់ ឆ្នាំ១៩៩២ – ១៩៩៣។ ថ្ងៃនេះ ខេមបូអូតូ សូមធ្វើការរំលឹកដល់អនុស្សាវរីយ៌របស់រថយន្តមួយប្រភេទ គឺរថយន្ត RAV4។ រថយន្ត RAV4 ត្រូវបានផលិត សម្រាប់លក់អោយទីផ្សារក្នុងស្រុក (ជប៉ុន) នៅឆ្នាំ ១៩៩៤ នឹងត្រូវបានដាក់លក់ជាផ្លូវការនៅសហរដ្ឋអាមេរិចឆ្នាំ១៩៩៦។ រថយន្តនេះក៏ជាចំណែកទីផ្សារមួយដ៏ធំសម្រាប់តូយ៉ូតា និងស្ថិតក្នុងចំនួនរថយន្តប្រភេទ SUV លក់ដាច់បំផុតផងដែរ ដោយគិតត្រឹមខែកុម្ភះ ឆ្នាំ២០២០ លក់បានចំនួនសរុប ១០ លានគ្រឿងនៅលើពិភពលោក មានអាយុកាល ២៦ ឆ្នាំ ៥ ជំនាន់ គិតតាំងពីឆ្នាំ ១៩៩៤។ តោះចឹងទៅមើលរូបរាងនីមួយៗនៃជំនាន់រថយន្ត RAV4 ទាំងអស់គ្នាមើល៖
១. រថយន្ត RAV4 ជំនាន់ទី១ (១៩៩៤ – ២០០០)
២. រថយន្ត RAV4 ជំនាន់ទី២ (២០០១ – ២០០៤)
៣. រថយន្ត RAV4 ជំនាន់ទី3 (២០០៥ – ២០១១)
៤. រថយន្ត RAV4 ជំនាន់ទី៤ (២០១២ – ២០១៨)
៥. រថយន្ត RAV4 ជំនាន់ទី៥ (២០១៩ – បច្ចុប្បន្ន)
រថយន្តRAV4 ជំនាន់ទី៥ បច្ចុប្បន្នបានដាក់លក់ជាផ្លូវការនៅអឺរ៉ុបឆ្នាំ ២០១៩ និងជារថយន្តដំបូងទីមួយដែលបានបំពាក់បច្ចេកវិទ្យាចុងក្រោយ TNGA (Toyota New Global Architecture)។
នៅពាក់កណ្តាលឆ្នាំ ២០២០ តូយ៉ូតានឹងបង្កើតរថយន្ត RAV4 ដំបូងប្រភេទ Plug-in Hybrid ដូចរូបខាងក្រោមនេះ៖
