ក្រុមហ៊ុន Geely Auto បានដាក់លក់ជាផ្លូវការនូវរថយន្ត Geely EX5 ដែលជាប្រភេទ SUV អគ្គិសនីទាំងស្រុង (all-electric SUV) នៅក្នុងចក្រភពអង់គ្លេស។ នេះគឺជាចាប់ផ្ដើមដ៏សំខាន់មួយនៅក្នុងយុទ្ធសាស្ត្រពង្រីកខ្លួនរបស់ក្រុមហ៊ុននៅទ្វីបអឺរ៉ុបរបស់ក្រុមហ៊ុន Geely។
ការដាក់លក់រថយន្ដអគ្គិសនីនៅតំបន់អឺរ៉ុប បានការបង្ហាញពីការប្តេជ្ញាចិត្តរយៈពេលវែងរបស់ក្រុមហ៊ុន Geely ចំពោះចល័តភាពប្រកបដោយនិរន្តរភាព និងមហិច្ឆតារបស់ខ្លួនក្នុងការក្លាយជាម៉ាកយីហោរថយន្តដ៏សំខាន់ នៅក្នុងផ្នែករថយន្តអគ្គិសនី ដែលកំពុងរីកចម្រើនយ៉ាងឆាប់រហ័សនៅទ្វីបអឺរ៉ុប។
«ការចូលទីផ្សារចក្រភពអង់គ្លេស គឺជាសមិទ្ធផលដ៏សំខាន់មួយក្នុងការធ្វើឲ្យយុទ្ធសាស្ត្រអឺរ៉ុបរបស់ក្រុមហ៊ុន Geely កាន់តែចាក់គ្រឹះយ៉ាងរឹងមាំនៅតំបន់អឺរ៉ុប» នេះបើយោងតាមការលើកឡើងរបស់លោក Jerry Gan នាយកប្រតិបត្តិក្រុមហ៊ុន Geely Auto Group។ លោកបានបន្ថែមថា៖«យើងប្តេជ្ញាចិត្តក្នុងការផ្តល់ជូននូវផលិតផលប្រកបដោយភាពច្នៃប្រឌិត និងនិរន្តរភាព ខណៈពេលដែលយើងក៏កសាងទំនាក់ទំនងដ៏យូរអង្វែងជាមួយអតិថិជន និងដៃគូរបស់យើងផងដែរ»។
ក្រុមហ៊ុន Geely Auto បានដាក់គោលដៅក្នុងការលក់រថយន្តសរុបចំនួន ១០០ ០០០ គ្រឿងក្នុងមួយឆ្នាំនៅចក្រភពអង់គ្លេសគិតត្រឹមឆ្នាំ ២០៣០។ ក្រុមហ៊ុននឹងបង្កើតបណ្តាញលក់រាយ និងពង្រីកសេវាកម្មបន្ថែមនៅប្រទេសចំនួន ដែលជា ១០០សាខាត្រឹមឆ្នាំ ២០២៦។
លើសពីនេះ ក្រុមហ៊ុនក៏មានគម្រោងបង្កើតហេដ្ឋារចនាសម្ព័ន្ធគ្រឿងបន្លាស់ និងថែទាំកម្រិតខ្ពស់ ដើម្បីធានាបាននូវការគាំទ្រពេញលេញ និងការពេញចិត្តរបស់អតិថិជនទូទាំងពិភពលោក។ បន្ថែមពីនេះក្រុមហ៊ុនមានផែនការ ដាក់លក់រថយន្តអគ្គិសនីថ្មីចំនួន ១៥ម៉ូដែលសម្រាប់ទ្វីបអឺរ៉ុបក្នុងរយៈពេល ៥ ឆ្នាំ និងបង្កើតបណ្តាញចែកចាយសរុប ១ ០០០ សាខា៕
