រថយន្ត Hyundai Sonata ឆ្នាំ២០២០ ត្រូវបានដាក់តាំងបង្ហាញនៅក្នុងកម្មវិធី 2019 LA Motor Show ក្នុងទីក្រុង Los Angeles សហរដ្ឋអាមេរិក។
Sonata ដែលដាក់តាំងបង្ហាញនោះ គឺម៉ូដែល Limited បំពាក់ម៉ាស៊ីនចំណុះ ១,៦លីត្រ Turbo ទំហំ ៤ស៊ីឡាំង មានកម្លាំង ១៨០សេះ ប្រើប្រអប់លេខអូតូ ៨វគ្គ មានតួខ្លួនពណ៌ខៀវ ហៅថា Story Sea។ វាបានបំពាក់ Option ពេញបិបតែម្តង ហើយមានតម្លៃរហូតដល់ទៅ ៣៣ ០០០ដុល្លារលើទីផ្សារសហរដ្ឋអាមេរិក។
លក្ខណៈពិសេសរបស់វាមានដូចជា កុងទ័រពណ៌បាញ់លើកញ្ចក់ (Color Head Up Display), Hyundai Digital Key, Blind-Spot View Monitor ជាមួយមុខងារ Blind-Spot Collision Warning, Remote Smart Parking Assist និងច្រើនទៀតមកស្តង់ដារ។
រីឯផ្នែកខាងក្នុង វាបំពាក់កៅអីស្បែកមានមុខងារកម្តៅ និងបញ្ចេញខ្យល់, កុងទ័រឌីជីថល ១២,៣អ៊ីង, អេក្រង់ Touchscreen ទំហំ ១០,២៥អ៊ីងនៅផ្នែកកណ្តាល និងប្រព័ន្ធសំឡេង Bose ជាដើម៕
