[ទីផ្សារបរទេស] កាលពីពេលថ្មីៗ កន្លងទៅនេះ ក្រុមហ៊ុនផលិតរថយន្ត Tesla បានធ្វើការកាត់បន្ថយតម្លៃ ដែលជាការបញ្ចុះតម្លៃលើកទី ២ នៅក្នុងប្រទេសចិនក្នុងរយៈពេល ៣ ខែ ដោយមានតម្លៃលក់ត្រឹម ៣៣ ៩១៦ ដុល្លារ សម្រាប់ Tesla Model 3 និងតម្លៃ ៣៨ ៣៤២ ដុល្លារសម្រាប់ Tesla Model Y។
ក្នុងរយៈពេល ២ ចុងសប្តាហ៍កន្លងមកនេះ រថយន្ត Tesla ជាង ២០០ គ្រឿងត្រូវបានដឹកជញ្ជូនជារៀងរាល់ថ្ងៃនៅក្នុងប្រទេសចិន ជាមួយនឹងអតិថិជនជាច្រើនបានកក់ទុកក្នុងការកុម្ម៉ង់នៅតាមកទីក្រុងមួយចំនួនបានកើនឡើង ៥០០ ភាគរយបើធៀបនឹងខែធ្នូ។
ការអាប់ដេតនៅលើគេហទំព័រចិនរបស់ក្រុមហ៊ុន Tesla បានបង្ហាញពីកាលបរិច្ឆេទនៃការចែកចាយដែលរំពឹងទុកចុងក្រោយបំផុតសម្រាប់ Tesla Model Y បានពន្យាពេលពី ២ ទៅ ៥ សប្តាហ៍ និង Tesla Model 3 បានពន្យាពេលពី ១ ដល់ ៤ សប្តាហ៍។
សកម្មភាពតម្លៃរបស់ Tesla នៅក្នុងប្រទេសចិនដើម្បីឆ្លើយតបទៅនឹងការបញ្ចុះតម្លៃនៃតម្រូវការនៅក្នុងប្រទេសចិនរបស់ក្រុមហ៊ុនផលិតរថយន្ត EV ក្រុមហ៊ុន Tesla បានលក់រថយន្តដែលផលិតនៅប្រទេសចិនចំនួន ៥៥ ៧៩៦ គ្រឿងនៅក្នុងខែធ្នូ បូករួមទាំងការនាំចេញរថយន្តចំនួន ១៣ ៨៧៩ គ្រឿង។
ទោះបីជាក្រុមហ៊ុន Tesla នៅតែជាលេខ ១ នៅក្នុងទីផ្សាររថយន្តអគ្គិសនីពិភពលោកក៏ដោយ។ ក្នុងនោះ ក្រុមហ៊ុន BYD ក៏កំពុងតាមពីក្រោយផងដែរ។ ដូច្នេះ ការកាត់បន្ថយតម្លៃ និងការបញ្ចុះតម្លៃរបស់ Tesla មិនគួរឱ្យភ្ញាក់ផ្អើលក្នុងការប្រកួតតម្លៃនោះទេ៕
