[បរទេស] កាលពីពេលថ្មីៗកន្លងទៅនេះ ក្រុមហ៊ុន Tan Chong Car បានធ្វើការប្រកួតដាក់បាតដៃលើរថយន្តដែលឲ្យឈ្មោះថា Tan Chong Car Challenge (TCCC) ដ៏ល្បីល្បាញដែលធ្វើឡើងនៅឯប្រទេសសិង្ហបុរីរយៈពេល ២ ថ្ងៃចាប់ពីថ្ងៃទី ៤-៥ ខែវិឆ្ឆិកា ឆ្នាំ ២០២៣ ។ ដោយការប្រកួតនេះ បានឈានដល់ទីបញ្ចប់ និងរកឃើញអ្នកឈ្នះដែលនៅសល់ ៤ នាក់ចុងក្រោយដោយរួមមាន៖
- លោក Chan Kok Seng ជនជាតិសឹង្ហបុរី អាយុ ៥៦ ឆ្នាំ ជាបេក្ខជននៅក្នុងតំបន់ បានឈ្នះរថយន្ត Nissan Kicks e-POWER ដែលជាជើងឯកប្រចាំឆ្នាំ ២០២៣ នៃការប្រកួតដាក់បាតដៃលើរថយន្ត Tan Chong Car Challenge ដោយបានតស៊ូឆ្លងកាត់ការសាកល្បងដ៏លំបាក និងបានយកឈ្នះបេក្ខជនវ័យក្មេងមកពីប្រទេសសិង្ហបុរី និងវៀតណាម ដែលជាអ្នកចូលរួមផ្សេងទៀតដែលនៅឈរសេសសល់ចុងក្រោយ ។
- Qi Ji Tan គឺតំណាងប្រទេសសិង្ហបុរី អាយុ ២៥ ឆ្នាំ ដែលដួលត្រូវបានដកសិទ្ធិពេលគាត់ទម្លាក់ដបចំណុះ ១ លីត្រ។
- Do Dang Hoang Trung តំណាងឲ្យប្រទេសវៀតណាម អាយុ ៣៥ ឆ្នាំ ទទួលបានលេខ ២ ទទួលបានរង្វាន់សាច់ប្រាក់ ១ ០០០ ដុល្លារសិង្ហបុរី (SGD $1,000) ស្មើនឹង ៧៣៩ ដុល្លារតាមអាត្រាប្តូរបច្ចុប្បន្ន ។
- ចំណាត់ថ្នាក់លេខ១ បានទៅលើ Nguyen Doan Tho តំណាងឲ្យប្រទេសវៀតណាម អាយុ ៣៣ ឆ្នាំ ដែលឈ្នះរង្វាន់ជាសាច់ប្រាក់ ៥ ០០០ ដុល្លារសិង្ហបុរី (SGD $5,000) ស្មើនឹង ៣ ៦៩៦ ដុល្លារតាមអាត្រាប្តូរប្រាក់បច្ចុប្បន្ន ។
ផ្ទាំងផ្សាយពាណិជ្ជកម្ម
គួរបញ្ជាក់ផងដែរថា សម្រាប់ការប្រកួតនេះ ក៏មានបេក្ខជន និងបេក្ខនារី តំណាងអោយប្រសទេស កម្ពុជា ទាំង ៥រូប ចូលរួមការប្រកួតកម្មវិធី Tan Chong Car Challenge នៅប្រទេសសិង្ហបុរីផងដែរ ៕
ផ្ទាំងផ្សាយពាណិជ្ជកម្ម
