រថយន្តវ៉ែន e-Expert Hydrogen ដែលទើបបង្ហាញចេញថ្មីៗនេះគឺជារថយន្តអ៉ីដ្រូហ្សែនដំបូងបំផុតរបស់ក្រុមហ៊ុនរថយន្តបារាំង Peugeot ដែលវាគឺជាបងប្អូនរបស់រថយន្ត Citroën ë-Dispatch Hydrogen និងរថយន្ត Opel/Vauxhall Vivaro-e Hydrogen។
រថយន្ត e-Expert Hydrogen មានបំពាក់អាគុយចំណុះ ១០kWh ដែលផ្ដល់ថាមពលដល់ម៉ូទ័រអគ្គិសនីចំនួនមួយ និងមានសមត្ថភាពអាចបើកបរបានចម្ងាយ ៤០០គីឡូម៉ែត្រ ហើយវាប្រើពេលត្រឹម៣នាទីប៉ុណ្ណោះក្នុងការចាក់បំពេញថាមពលអ៉ីដ្រូហ្សែន។ រថយន្តនេះត្រូវបានផលិតឡើងនៅមជ្ឈមណ្ឌលស្រាវជ្រាវ និងអភិវឌ្ឍន៍របស់ក្រុមហ៊ុន Stellantis ដែលស្ថិតនៅប្រទេសអាល្លឺម៉ង់។
ផ្ទាំងផ្សាយពាណិជ្ជកម្ម
អតិថិជនដំបូងរបស់រថយន្តវ៉ែននេះគឺក្រុមហ៊ុន Watea by Michelin ដែលជាសាខាមួយរបស់ក្រុមហ៊ុន Michelin ដែលផ្ដោតលើដំណោះស្រាយបើកបរដែលជួយដល់បរិស្ថាន៕
ផ្ទាំងផ្សាយពាណិជ្ជកម្ម
