រថយន្ត Hyundai Tucson ស៊េរីឆ្នាំ២០២២ បានបង្ហាញខ្លួនជាផ្លូវការ ដោយបានផ្លាស់ប្តូរការឌីហ្សាញថ្មីទាំងស្រុង ទាំងផ្នែកខាងក្រៅ និងខាងក្នុង មើលទៅរឹតតែអង់អាច។
រថយន្ត Tucson ជំនាន់ទី៤ នេះបានបំពាក់ផ្ទាំងប៉ាណាមុខដ៏ពិសេសមួយ ហៅថា Parametric Hidden Lights ដែលវានឹងងងឹតឈឹងពេលរថយន្តរលត់ ហើយបញ្ចេញភ្លើងបំភ្លឺពេលថ្ងៃ (DRL) នៅពេលរថយន្តដំណើរការ។
គួរឲ្យដឹងថា SUV នេះនឹងផ្តល់ជម្រើសពណ៌រហូតដល់ទៅ ៧ មានដូចជា White Cream, Phantom Black, Shimmering Silver, Nocturne Gray, Amazon Gray, Flame Red និង Intense Blue។ វាមានបំពាក់អេក្រង់ទំហំ ១០,២៥អ៊ីញ និង ៨អ៊ីញ ដែលអាចភ្ជាប់ជាមួយមុខងារ Apple CarPlay និង Android Auto ហើយអាចភ្ជាប់ Bluetooth ម្តង២ក្នុងពេលតែមួយ។
រថយន្ត Hyundai Tucson នឹងប្រើម៉ាស៊ីនសាំងចំណុះ ២,៥លីត្រ ទំហំ ៤ស៊ីឡាំង មានកម្លាំង ១៨៧សេះ និងប្រអប់លេខអូតូ ៨វគ្គ។ វានឹងចេញលក់នៅក្នុងឆ្នាំ២០២១ ខាងមុខ៕
