ក្រុមហ៊ុន Toyota ទើបតែបានចេញផ្សាយរបាយការណ៍លក់នៅសហរដ្ឋអាមេរិក ក្នុងត្រីមាសទី១ ឆ្នាំ ២០២២ ហើយរថយន្ត Toyota GR 86 បានមើលឃើញនូវសន្ទុះលក់កើនឡើងយ៉ាងខ្លាំង។
យោងតាមប្រភពព័ត៌មានបានឲ្យដឹងថា ការលក់របស់ Toyota GR86 កើនឡើង ៣២៦,៣% សម្រាប់ត្រីមាស ដោយផ្អែកលើបរិមាណ។ ជាក់ស្តែង ក្នុងខែមីនា ឆ្នាំ២០២២ តែឯង ការលក់រថយន្តស្ព័រ Toyota GR 86 ថ្មី គឺកើនឡើង ២០០% ឯណោះ។
ផ្ទាំងផ្សាយពាណិជ្ជកម្ម
គួររំលឹកថា រថយន្ត GR86 ទើបតែត្រូវបានកែលម្អថ្មី និងបង្ហាញខ្លួនកាលពីឆ្នាំមុន ហើយតួលេខខាងលើនេះ គឺពិតជាគួរឲ្យចាប់អារម្មណ៍ខ្លាំងមែន។ ក្រុមហ៊ុន Toyota និយាយថា តួលេខទាំងនោះ គឺល្អបំផុតមិនធ្លាប់មានសម្រាប់ម៉ូដែល 86។
ដោយឡែក រថយន្ត Subaru BRZ ដែលអាចនិយាយបានថាជាកូនភ្លោះជាមួយ Toyota GR 86 ហាក់ធ្វើមិនបានល្អឡើយ ដោយវាលក់បានតែ ២៤១គ្រឿងប៉ុណ្ណោះ ក្នុងត្រីមាសទី១ កាលពីឆ្នាំមុន និង ២៩១គ្រឿងក្នុងឆ្នាំនេះ ឬកើនឡើងប្រហែល ២០%៕
ផ្ទាំងផ្សាយពាណិជ្ជកម្ម
