រថយន្ត STARRAY EM-i plug-in hybrid របស់ក្រុមហ៊ុន Geely Auto បានបង្កើតកំណត់ត្រាពិភពលោក Guinness World Record ថ្មីដោយមានកម្រិតសុីប្រេងឥន្ធនៈត្រឹមតែ ៣.៨៣ លីត្រ/១០០ គីឡូម៉ែត្រ ក្នុងការបើកបរចម្ងាយ ១ ០៥៦ គីឡូម៉ែត្រនៅលើផ្លូវ Sydney-Melbourne Coastal Drive ក្នុងនាមជារថយន្ដ SUV ប្រើប្រព័ន្ធថាមពល Plug-in Hybrid។
ការបើកបរធ្វើតេស្ដនេះបានបញ្ចប់នៅចន្លោះថ្ងៃទី ៩ និងថ្ងៃទី ១០ ខែធ្នូ ឆ្នាំ ២០២៥ រថយន្ត Geely STARRAY EM-i បានដណ្ដើមបានតំណែងជារថយន្ត SUV ប្រើប្រាស់ថាមពល plug-in hybrid ដែលស៊ីប្រេងតិចបំផុត ក្នុងលើការបើកបរនៅលើផ្លូវ Sydney-Melbourne Coastal Drive ក្នុងប្រទេសអូស្រ្ដាលី។ លទ្ធផលជាក់ស្តែង រថយន្ត Geely STARRAY EM-i Long Range បានបញ្ចប់ការធ្វើដំណើរចម្ងាយ ១ ០៥៦ គីឡូម៉ែត្រ ដោយមានកម្រិតស៊ីប្រេង ដែលបានផ្ទៀងផ្ទាត់ត្រឹមតែបំផុតត្រឹមតែ ៣.៨៣ លីត្រ/១០០ គីឡូម៉ែត្រ ។ ចំពោះលទ្ធផលនេះគឺល្អជាងទិន្នន័យធ្វើតេស្ដពីស្ថាប័ន្ថ NEDC ដែលបានវាយថាតម្លៃថារថយន្ដនេះមានកម្រិតសុីប្រេង ៤.៤ លីត្រ/១០០ គីឡូម៉ែត្រ។
មូលហេតុដែលធ្វើឲ្យរថយន្ដ Geely STARRAY EM-i PHEV មានកម្រិតសុីប្រេងតិចបែបនេះដោយសាររថយន្ដនេះត្រូវបានផលិតឡើងលើស្ថាបត្យកម្ម GEA ដែលខ្លួនបានអភិវឌ្ឍដោយ Geely ផ្ទាល់និងបានបំពាក់មកជាមួយបច្ចេកវិទ្យា EM-i Super Hybrid។ ចំពោះបច្ចេកវិទ្យានេះ អនុញ្ញាតឲ្យរថយន្ដនេះអាចប្រើប្រាស់ថាមពលអគ្គិសនីសុទ្ធក៏បាន ប្រើម៉ាសុីនសាំងសុទ្ធក៏បាន និងប្រើរួមបញ្ចូលទាំងសាំងនិងអគ្គិសនីក៏បាន។
ក្រុមហ៊ុន Geely បានដាក់លក់រថយន្តនេះនៅក្នុងទីផ្សារអន្តរជាតិ រួមមាន៖ អូស្ត្រាលី, អ៊ីតាលី, ម៉ិកស៊ិក, អាហ្វ្រិកខាងត្បូងនិង ឥណ្ឌូណេស៊ី។ គិតត្រឹមខែវិច្ឆិកា ឆ្នាំ ២០២៥ ម៉ូដែលនេះបានសម្រេចបានបរិមាណលក់សរុបទូទាំងពិភពលោកចំនួន ១១៤ ១៨៥ គ្រឿង៕
