ម្ចាស់រថយន្ត Tesla ម្នាក់ឡើងលើដំបូលឡាន Model 3 ដើម្បីធ្វើការតវ៉ាចំពោះបញ្ហាហ្វ្រាំងលើរថយន្ត Tesla របស់នាង(មានវីដេអូ)

ពិព័រណ៍រថយន្ត Shanghai Auto Show បានក្លាយជាកន្លែងនៃការតវ៉ារបស់ម្ចាស់រថយន្ត Tesla Model 3 ដែលខឹងសម្បារ នឹងបានចោទប្រកាន់ក្រុមហ៊ុន Tesla ថាបានបំពាក់ហ្វ្រាំងខុសបច្ចេកទេស សម្រាប់ឡានរបស់នាង។

ម្ចាស់រថយន្ត បានទស្សនាស្តង់របស់ក្រុមហ៊ុន Tesla នៅឯពិព័រណ៍រថយន្ត Shanghai ហើយបានឡើងទៅលើដំបូលរថយន្ត Model 3 ដោយពាក់អាវយឺតដែលមានអក្សរ“ ហ្រ្វាំងបាត់បង់ការគ្រប់គ្រង (Brake Lost Control)” នៅក្នុងការសរសេរភាសាចិន ហើយត្រូវបានមនុស្សជុំវិញថតយកទៅចែកចាយលើបណ្តាញសង្គម។

ផ្ទាំងផ្សាយពាណិជ្ជកម្ម

ស្ត្រីរូបនេះត្រូវបានសន្តិសុខព័ទ្ធជុំវិញយ៉ាងលឿន ដោយបានប្រើឆ័ត្រដើម្បីព្យាយាមលាក់បាំងសាររបស់នាង។ ទោះយ៉ាងណានាងបានចាប់ឆ័ត្រ ហើយបោះវាចោល ខណៈពេលដែលស្រែកថា “ហ្វ្រាំងឡាន Tesla បានបាត់បង់ការគ្រប់គ្រង” មុនពេលដែលបានទាញចុះពីដំបូលរថយន្តហើយបាននាំយកទៅឆ្ងាយ។

ក្រុមហ៊ុន Tesla បាននិយាយប្រាប់ទីភ្នាក់ងារព័ត៌មាន Bloomberg ថា” ស្ត្រីរូបនេះត្រូវបានគេដឹងថាបានធ្វើការតវ៉ាម្តងហើយម្តងទៀតប្រឆាំងនឹងបញ្ហាហ្វ្រាំងរបស់ក្រុមហ៊ុន Tesla ។ មុននេះនាងបានផ្សាយផ្ទាល់(Live) ពីខាងក្នុងពិព័រណ៍រថយន្ត Shanghai Auto Show មុនពេលទៅដល់ស្តង់របស់ក្រុមហ៊ុន Tesla ។ យោងតាមអ្នកតំណាងបាននិយាយថា ក្រុមហ៊ុន Tesla បានព្យាយាមបញ្ចុះបញ្ចូលនាងឱ្យចុះពីលើឡាន ប៉ុន្តែការខិតខំបញ្ចុះបញ្ចូលរបស់ពួកគេបានបរាជ័យ ហើយពួកគេបានសំរេចចិត្តស្នើសុំប្រើប្រាស់កងសន្តិសុខ ក្នុងការនាំនាងចេញពីទីនោះផងដែរ។

ម្ចាស់រថយន្ត Tesla បានអះអាងថាការជាន់ហ្វ្រាំងលើ Model 3 របស់នាងបានបរាជ័យដែលស្ទើរតែបានសម្លាប់សមាជិកគ្រួសាររបស់នាងចំនួន ៤ នាក់នៅក្នុងគ្រោះថ្នា​ក់ចរាចរណ៍មួយ។ ទោះយ៉ាងណាក្រុមហ៊ុន Tesla បាននិយាយថាទិន្នន័យនៅលើរថយន្តបានបង្ហាញថា ហ្វ្រាំង និងប្រព័ន្ធជំនួយការបើកបរទាំងអស់ ដំណើរការបានត្រឹមត្រូវ ក្នុងអំឡុងពេលមានគ្រោះថ្នាក់ ហើយល្បឿនមុនពេលជាន់ហ្វ្រាំង គឺប្រហែល ១២០ គីឡូម៉ែត្រ / ម៉ោង (៧៥ mph)។


ក្រុមហ៊ុន Tesla បានបន្ថែមទៀតថា“ វាផ្តោតសំខាន់ទៅលើសិទ្ធិអ្នកប្រើប្រាស់ ហើយពួកគេបានផ្តល់នូវដំណោះស្រាយជាច្រើន នៅក្នុងការចរចារជាមួយម្ចាស់រថយន្ត ដោយបានទទូចអោយប្រគល់ឡាននោះមកវិញ។ ក្រុមហ៊ុន Tesla ថែមទាំងស្នើឱ្យមានការត្រួតពិនិត្យរថយន្តដោយភាគីទីបី(Third Party) ប៉ុន្តែម្ចាស់រថយន្តបានបដិសេធ៕

ផ្ទាំងផ្សាយពាណិជ្ជកម្ម

អត្ថបទ​ដែល​ទាក់ទងបន្ថែម​ពី​អ្នកនិពន្ធ