អតីត LDV ជាយីហោដ៏ល្បីរបស់ចក្រភពអង់គ្លេសដែលមានឯកទេសខាងរថយន្តទេសចរណ៏និងរថយន្តដឹកទំនិញ ហើយត្រូវបាននាំចូលផ្តាច់មុខមកប្រទេសកម្ពុជាដោយក្រុមហ៊ុន TF Motors Cambodia ក្នុងឆ្នាំ២០២០។ យីហោនេះបានបន្តខិតខំប្រឹងប្រែងជាខ្លាំង ព្រមទាំងបានបង្កើតនូវកំណត់ត្រាថ្មីនាដើមឆ្នាំ ២០២១នេះ ជាមួយនឹងរថយន្តដែលលក់ដាច់បំផុតរបស់ពួកគេគឺរថយន្តប្រភេទ SUVs Maxus D60, រថយន្ត MPV គឺ Maxus G50 និង រថយន្តប្រភេទភីកអាប់គឺ Maxus T60 ។
នៅឆ្នាំ២០២១នេះគឺជាឆ្នាំដែលមានការចាប់ផ្តើមដ៏ល្អសម្រាប់រថយន្ត Maxus ដោយបានបង្កើនតួរលេខការលក់របស់ខ្លួនចាប់តាំងពីបានចូលមកកាន់ប្រទេសកម្ពុជាដោយសារមុខងារនឹងដំណើរការរបស់រថយន្ត Maxus D60។ ទន្ទឹមនឹងនេះ វិបត្តិនៃជំងឺឆ្លងកូវីដ១៩បានមានផលប៉ះពាល់ដល់សេដ្ឋកិច្ចជាសកល ដែលជាហេតុផលធ្វើឱ្យអតិថិជនកំពុងស្វែងរកនូវរថយន្តដែលមានតម្លៃល្អបំផុតនៅលើទីផ្សារ ហើយរថយន្ត Maxus សាកសមនឹងតម្រូវការនាពេលបច្ចុប្បន្នរបស់ប្រជាជនកម្ពុជាក្នុងស្ថានភាពដ៏តានតឹងមួយនេះ។ គ្រាន់តែជាការចាប់ផ្តើម រថយន្ត Maxus បានលក់ចេញជាង ១០គ្រឿងក្នុងមួយខែៗដែលជាសញ្ញាវិជ្ជមានយ៉ាងល្អសម្រាប់ក្រុមហ៊ុនដែលត្រូវបានដាក់លក់ម៉ូឌែលថ្មីជាផ្លូវការក្នុងអំឡុងពេលមានវិបត្តិនេះ។
យីហោ Maxus ទទួលបានកំណើននៃការលក់ចេញគួរឱ្យកត់សម្គាល់នៅក្នុងប្រទេសកម្ពុជា ដែលដឹកនាំដោយម៉ូឌែលដ៏មានប្រជាប្រិយភាពគឺរថយន្តប្រភេទ SUV របស់គេគឺ Maxus D60។ រថយន្តម៉ាក Maxus សមស្របសម្រាប់គ្រួសារកម្ពុជាដែលមានប្រាក់ចំណូលមធ្យម។ វាក៏បានបំពាក់មកជាមួយនូវបច្ចេកវិទ្យាថ្មីៗ គឺចំណុះម៉ាស៊ីនតូចជាងមុនដើម្បីសំន្សំសំចៃប្រេងឥន្ធនៈ និងមានការចំណាយទាបក្នុងការបង់ពន្ធផ្លូវ ប៉ុន្តែវាក៏បានបំពាក់ដោយម៉ាស៊ីនតួបូសម្រាប់បង្កើនល្បឿននិងសំទុះ, ព្រមទាំងលក្ខណៈពិសេសនៃមុខងារប្រើប្រាស់យ៉ាងសន្សំសំចៃ, ប្រណីតភាពដ៏ទាក់ទាញ និងជាពិសេសនោះគឺគ្រប់ម៉ូឌែលនៃរថយន្តMaxus ក៏មានការធានារយៈពេល៥ឆ្នាំ រឺ ១០០,០០០Km។
លោក ពុំ សូរិយា នាយកគ្រប់គ្រងក្រុមហ៊ុន TF Motors Cambodia បានមានប្រសាសន៍ថា “ជាមួយនឹងការរចនាដ៏អស្ចារ្យ អមនឹងភាពធំទូលាយនៃផ្នែកខាងក្នុងដោយបំពាក់នូវកៅអីចំនួន៧ ហើយរថយន្ត Maxus D60 មានអ្វីៗគ្រប់យ៉ាងដើម្បីផ្គាប់ចិត្តក្រុមគ្រួសារ និងការងាររបស់អ្នកជាមួយរថយន្តប្រភេទ SUV ដ៏គួរឱ្យចាប់អារម្មណ៏មួយនេះ។ Maxus ប្តេជ្ញាថានឹងចូលរួមចំណែកក្នុងការពង្រីកភាពលូតលាស់នៃឧស្សាហកម្មយានយន្តក្នុងស្រុក ហើយនឹងបន្តសម្របខ្លួនព្រមទាំងបង្កើតអ្វីថ្មីៗដើម្បីឆ្ពោះទៅរកភាពរឹងមាំនាពេលអនាគត។
