[បរទេស] កាលពីពេលថ្មីៗកន្លងទៅនេះ រូបភាពប៉ាតង់របស់រថយន្ត Geely G426 ស៊េរីថ្មី ត្រូវបានដាក់បង្ហាញចេញដោយក្រសួងឧស្សាហកម្ម និងបច្ចេកវិទ្យាព័ត៌មាននៅក្នុងប្រទេសចិន ដែលជារថយន្តប្រភេទ compack SUV ថ្មី។
រថយន្តនេះមានប្រវែងតួខ្លួនសរុប ៤ ៥១០ ម.ម ទទឹង ១ ៨៦៥ ម.ម កំពស់ ១ ៦៥០ ម.ម និងប្រវែងគន្លាតកង់មុខ-ក្រោយ ២ ៧០១ ម.ម ។
បើនិយាយអំពីការរចនាវិញ Geely G426 មានបំពាក់ជាមួយប៉ាណាមុខមួយផ្ទាំងធំឲ្យឈ្មោះថា Boyue L grille អបសងខាងដោយចង្កៀងប្រភេទ LED រាងជាអក្សរ T ។ ខណះ នៅផ្នែកខាងក្រោយបានឌីស្សាញចង្កៀង LED អូសកាត់ពីផ្នែកម្ខាងទៅផ្នែកម្ខាង និងថាសកង់ស្ព័រជាច្រើនជម្រើសជាមួយដុំហ្រ្វាំង calipers ពណ៌ក្រហម។ ទន្ទឹមនឹងនេះ សម្រាប់ព័ត៌មានលម្អិតនៅផ្នែកខាងក្នុងមិនទាន់ត្រូវបានបង្ហាញនោះទេ។
ទាក់ទងនឹងផ្នែកម៉ាស៊ីនវិញ Geely G426 ស៊េរីថ្មីនេះដំណើរការដោយម៉ាស៊ីនសាំងចំណុះ ១,៥ លីត្រ turbo អាចផលិតកម្លាំងបាន ១៧៨ សេះ ៕
