[ទីផ្សារបរទេស] ក្រុមហ៊ុន Olympian Motors ដែលជាក្រុមហ៊ុនផលិតរថយន្តរបស់អាមេរិក បានធ្វើការដាក់បញ្ចេញនៅរថយន្តអគ្គិសនី Olympian Model 01 ស៊េរីថ្មី រចនាប័ទ្មបែបបុរាណ ជាមួយតម្លៃលក់ចាប់ផ្តើម ១០០ ០០០ ដុល្លារ។
រថយន្ត Olympian Model 01 មានប្រវែងតួខ្លួនសរុប ៤ ៩៦០ ម.ម ទទឹង ១ ៨៨៩ ម.ម កំពស់ ១ ៦៣៧ ម.ម និងប្រវែងគន្លាតកង់មុខ-ក្រោយ ២ ៧៥៨ ម.ម ។
រថយន្តនេះត្រូវបានបំពាក់ដោយគ្រឿងបរិក្ខាមានលក្ខណៈពិសេសៗ រួមមានទាំងឈើ ដែកថែប សាច់ក្រណាត់ និងសូត្រ។ បន្ដែមពីនេះ មានការគាំទ្រសម្រាប់ការតភ្ជាប់ទូរស័ព្ទ ថេប្លេត និងកុំព្យូទ័រយួរដៃ ទោះបីជាមិនមានអេក្រង់កំសាន្ត touchscreen នៅខាងក្នុងក៏ដោយ។
Olympian មានការរចនាយ៉ាងរឹងមាំ ដោយបានតុបតែងជាមួយកាបោនហ្វាយបឺ និងទីតានីញ៉ូម ដើម្បីធានាសុវត្ថិភាពអ្នកដំណើរ បំពាក់ជាមួយពោងសុវត្ថិភាពចំនួន ៩ចំនុច ដំបូល និងកញ្ចក់ត្រូវបានបំពាក់ដោយប្រភេទ laminate ដែលផ្តល់នូវភាពធន់ខ្លាំង។
បើនិយាយអំពីផ្នែកម៉ាស៊ីន រថយន្ត Olympian Model 01 មានកម្លាំង ៣១០ សេះ និងកម្លាំងរមួល ៤១៣ ញ៉ូតុនម៉ែត្រ ភ្ជាប់ជាមួយអាគុយទំហំ ៨២ គីឡូវ៉ាត់ម៉ោង អាចបើកបរបានចម្ងាយ ៤៩០ គីឡូម៉ែត្រក្នុងការសាកថ្មម្តង ប្រភេទបើកបរប៉ុង២៕
