រថយន្តអគ្គិសនីដំបូងបង្អស់របស់ Porsche កំពុងទទួលបានការចាប់អារម្មណ៍ខ្លាំងលើសការរំពឹងទុក ខណៈអតិថិជនជាង ៣០ ០០០នាក់បានបញ្ចេញអារម្មណ៍ ចង់ទិញរថយន្តនេះ។
យោងតាមរបាយការណ៍បានឲ្យដឹងថា អតិថិជនទាំង ៣០ ០០០នាក់នោះបានកក់លុយចំនួន ២ ៧៨០ដុល្លារសម្រាប់ទិញរថយន្ត Porsche Taycan។
ផ្ទាំងផ្សាយពាណិជ្ជកម្ម
គួរឲ្យដឹងថា រថយន្ត Porsche Taycan កំពុងស្ថិតក្នុងសង្វាក់ផលិតកម្ម ហើយនឹងចេញលក់សរុប ២០ ០០០គ្រឿងនៅក្នុងឆ្នាំ២០២០ ខាងមុខនេះ។ ទោះជាយ៉ាងណា ការផលិតនឹងកើនឡើង បន្ទាប់ពីឆ្នាំក្រោយ ដើម្បីឲ្យស្របទៅនឹងតម្រូវការ។
រថយន្តអគ្គិសនី Taycan Turbo S មានកម្លាំងរហូតដល់ទៅ ៧៥០សេះ អាចរត់ពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹមតែ ២,៨វិនាទីប៉ុណ្ណោះ ហើយមានល្បឿនអតិបរមា ២៦០គីឡូម៉ែត្រក្នុងមួយម៉ោង។ សាកភ្លើងមួយពេញ វាអាចរត់បានចម្ងាយជាង ៤០០គីឡូម៉ែត្រ ហើយអាចសាកភ្លើងដល់ ៨០% ប្រើពេលត្រឹម ២២នាទីប៉ុណ្ណោះ៕
ផ្ទាំងផ្សាយពាណិជ្ជកម្ម
