យោងតាមក្រុមហ៊ុន Volkswagen បានឲ្យដឹងថា រថយន្តអគ្គិសនីត្រកូល ID ទី៥ របស់ខ្លួន នឹងបង្ហាញខ្លួននៅត្រីមាសទី៣ នៃឆ្នាំ២០២៣ ជាមួយនឹងចម្ងាយបើកបររហូតដល់ទៅ ៧០០គីឡូម៉ែត្រ រាល់ពេលសាកភ្លើងពេញម្តង។
រថយន្តអគ្គិសនីដែលអាចនឹងប្រើឈ្មោះ ID.6 (មិនទាន់ផ្លូវការ) នេះ នឹងផ្តល់ជម្រើសតួខ្លួនចំនួន ២ គឺ Saloon និង Estate ដោយមានទំហំប្រហាក់ប្រហែលម៉ូដែល Volkswagen Passat ប៉ុន្តែផ្តល់នូវកាប៊ីនធំទូលាយជាង។
ផ្ទាំងផ្សាយពាណិជ្ជកម្ម
រថយន្ត Volkswagen ID.6 ប្រភេទប៉ុងមួយវិលកង់ក្រោយ (RWD) នឹងបំពាក់ម៉ូទ័រអគ្គិសនីមួយ ខណៈប្រភេទប៉ុងពីរ (4WD) នឹងប្រើម៉ូទ័រអគ្គិសនី២។
មិនតែប៉ុណ្ណោះ វាក៏ផ្តល់ជម្រើសទំហំអាគុយអគ្គិសនីខុសៗគ្នាដែរ ដោយប្រភេទធំបំផុតគឺ ៨៤គីឡូវ៉ាត់ម៉ោង ដែលផ្តល់ចម្ងាយបើកបរ ៧០០គីឡូម៉ែត្រ ហើយគាំទ្រការសាកភ្លើងកម្លាំង ២០០គីឡូវ៉ាត់ ដែលអាចសាកបាន ២៣០គីឡូម៉ែត្រ ក្នុងរយៈពេលត្រឹម ១០នាទីប៉ុណ្ណោះ៕
ផ្ទាំងផ្សាយពាណិជ្ជកម្ម
