Honda ទើបតែបានបង្ហាញតម្លៃរថយន្ត Honda Accord ស៊េរីឆ្នាំ ២០២០ ដែលទើបចេញលក់លើទីផ្សារសហរដ្ឋអាមេរិក។
ឥឡូវនេះ រថយន្ត Honda Accord បានបំពាក់កញ្ចប់បច្ចេកវិទ្យា Honda Sensing និង Traffic Sign Recognition មកស្តង់ដារតែម្តង ហើយមានតម្លៃចាប់ពី ២៣ ៨៧០ ដុល្លារឡើងទៅ។
កញ្ចប់បច្ចេកវិទ្យា Honda Sensing រួមមានមុខងារ Collision Mitigation Braking System (CMBS) with Pedestrian Sensing, Lane Keeping Assist , Adaptive Cruise Control with Low-Speed Follow , Automatic High-Beam Headlights, Multi-Angle Rearview Camera និង Driver Attention Monitor។
Honda Accord ផ្តល់ជម្រើសម៉ាស៊ីន ២ ប្រភេទ គឺ ម៉ាស៊ីនសាំងចំណុះ ១,៥ លីត្រ DOHC Turbocharged ទំហំ ៤ ស៊ីឡាំង កម្លាំង ១៩២ សេះ និង ម៉ាស៊ីនសាំងចំណុះ ២,០ លីត្រ VTEC Turbocharged ទំហំ ៤ ស៊ីឡាំង កម្លាំង ២៥២ សេះ ព្រមទាំងជម្រើសប្រអប់លេខអូតូ ១០ វគ្គ និង លេខដៃផងដែរ៕
