[បរទេស] យោងតាមគេហទំព័រ InsideEVs បានឲ្យដឹងថា ក្រុមហ៊ុនផលិតរថយន្ត Kia គ្រោងនឹងធ្វើការដាក់បង្ហាញជាផ្លូវការនៅរថយន្តអគ្គិសនីដែលមានតម្លៃទាបគឺម៉ូដែល Kia EV3 នៅឆ្នាំនេះនៅលើទីផ្សារប្រទេសកូរ៉េខាងត្បូង ។
ជាមួយគ្នានេះ ត្រូវបានគេយល់ឃើញថា ក្រុមហ៊ុនផលិតរថយន្តរបស់ប្រទេសកូរ៉េខាងត្បូងនេះ ចង់បង្កើនការលក់រថយន្តអគ្គិសនីដល់ ៤,៣ លានគ្រឿងនៅឆ្នាំ ២០៣០ ហើយរំពឹងថាប្រហែល ៥៨% នៃរថយន្តដែលបានលក់នាពេលអនាគតនឹងជារថយន្តអគ្គិសនី។
យោងតាមប្រភពដដែលបានឲ្យដឹងថា រថយន្តអគ្គីសនីសុទ្ធ Kia EV3 ដែលផលិតឡើងដោយប្រើប្រាស់នៅគ្រោងឆ្អឹង E-GMP chasiss platform នឹងមានតម្លៃលក់ចាប់ពី ៣០ ០០០ ដុល្លារឡើងទៅ
គួរបញ្ជាក់ផងដែរថា ក្រុមហ៊ុន Kia នៅតែបន្តផលិតរថយន្តអគ្គិសនី និងរថយន្តកូនកាត់របស់ខ្លួន ដើម្បីប្រកួតប្រជែងកាន់តែប្រសើរឡើងនៅទូទាំងពិភពលោក ជាពិសេសនៅក្នុងប្រទេសចិន ដែលទីផ្សារដែលផ្តោតទៅលើរថយន្តអគ្គិសនី ៕
