![Maserati-MY19-Ghibli-GranSport-182840M_GranLusso-182550M](https://camboauto.com/wp-content/uploads/2019/08/Maserati-MY19-Ghibli-GranSport-182840M_GranLusso-182550M-696x392.jpg)
ក្រុមហ៊ុនផលិតរថយន្តប្រណីត Maserati ត្រូវរង់ចាំដល់ឆ្នាំ ២០២០ ទើបអាចរកប្រាក់ចំណេញបាន។ ប្រាក់ចំណេញដែលនឹងអាចរកបានគឺក្រោយពីរថយន្ត ១០ ម៉ូដែល ដែលគ្រោងប្រកាសចេញចន្លោះឆ្នាំ ២០២០ និង ២០២៣ ចេញលក់លើទីផ្សារ។
ម៉ាករថយន្តនេះមានការខាតបងទឹកប្រាក់ ១៣៤ លានដុល្លារ នៅត្រីមាសទីពីរឆ្នាំ ២០១៩ ដែលធ្លាក់ចុះ ១៧% ដោយលក់រថយន្តបានត្រឹម ៧ ២០០ គ្រឿងប៉ុណ្ណោះ។ លោក Mike Manley នាយកប្រតិបត្តិ FCA ក្រុមហ៊ុនមេរបស់ Maserati ទទួលស្គាល់ថានេះជាតួលេខគួរឲ្យខកចិត្តមួយ ហើយត្រីមាសទី ៣ និង ទីបួនអាចលំបាកដូចនេះដែរ។
យ៉ាងណាក្ដីនៅឆ្នាំ ២០២០ ស្ថានភាពអាចនឹងប្រសើរឡើង ហើយនៅឆ្នាំ ២០២២ ក្រុមហ៊ុនអាចនឹងសម្រេចគោលដៅបញ្ចេញលក់រថយន្តឲ្យបាន ១០០ ០០០ គ្រឿងតែម្ដង។ រថយន្តថ្មីៗដែលរំពឹងថាជួយដល់ Maserati បានមានដូចជា Levante ថ្មី, Quattroporte ថ្មី, Alfieri ថ្មី និង Alfieri Cabrio ថ្មីជាដើម៕