ចាំទទួលផង! ឡាន Bugatti La Voiture Noire មាន១គ្រឿងគត់លើលោក ត្រៀមខ្លួនដឹកឲ្យម្ចាស់វាហើយ!

កាលពីឆ្នាំ២០១៩ ក្រុមហ៊ុន Bugatti បានប្រកាសចេញរថយន្ត La Voiture Noire ដែលវាមានផលិតតែ ១គ្រឿងគត់ ហើយជារថយន្តថ្មីដែលមានតម្លៃថ្លៃបំផុតលើពិភពលោក។

នៅពេលនោះ វាគ្រាន់តែជាគំរូរថយន្ត ដែលប្រើម៉ូទ័រអគ្គិសនីតូចមួយ អាចបើកបរបានចម្ងាយជិតៗប៉ុណ្ណោះ ប៉ុន្តែឥឡូវនេះ រថយន្ត Bugatti La Voiture Noire គឺត្រៀមខ្លួនរួចរាល់សម្រាប់ដឹកឲ្យម្ចាស់វាហើយ។

ពាណិជ្ជកម្ម

La Voiture Noire ដែលមានន័យថា “រថយន្តពណ៌ខ្មៅ” (The Black Car) នៅក្នុងភាសាបារាំង ត្រូវបានបង្កើតឡើងដើម្បីគោរពដល់រថយន្ត Type 57 SC Atlantic របស់លោក Jean Bugatti។ រថយន្តនេះមានប្រវែងកង់មុខទៅកង់ក្រោយវែង, តួខ្លួនថ្មីទាំងស្រុង, កាប៊ីនខាងក្នុងពណ៌ត្នោត Havana Brown និង Carbon Fiber ជាច្រើន ប៉ុន្តែរក្សាភាសាឌីហ្សាញបែបទំនើបរបស់ Bugatti ដដែល។

ថ្វើបើវាមានផលិតតែ ១គ្រឿងក៏ពិតមែន ប៉ុន្តែវាត្រូវឆ្លងកាត់ការធ្វើតេស្តគុណភាព និងសមត្ថភាពទាំងអស់ ដូចរថយន្ត Bugatti ធម្មតាដែរ។ មិនតែប៉ុណ្ណោះ គ្រប់គ្រឿងគ្រូវរបស់វាទាំងអស់ ទាមទារឲ្យត្រូវបានស្តង់ដារគុណភាពរបស់វាទៀតផង៕

Sponsored