![](https://camboauto.com/wp-content/uploads/2019/09/toyota-land-cruiser-rendering-696x392.jpg)
តូយ៉ូតា ប្រារព្ធពិធីលក់បាន ១០លានគ្រឿងទូទាំងពិភពលោក ចាប់តាំងពីឆ្នាំ ១៩៥១ នៃរថយន្តឡង់គ្រីស័រ (Toyota Land Cruiser) គិតត្រឹមថ្ងៃទី ៣១ ខែសីហា។ រថយន្តដែលជានិមិត្តរូបដំបូងលើដងវិថីត្រូវលក់នៅថ្ងៃទី០១ ខែសីហា ឆ្នាំ១៩៥១ ដែលគិតមកដល់ពេលនេះ គឺមានអាយុកាលនៅលើទីផ្សាររយះពេល ៦៨ឆ្នាំមកហើយ មានឈ្មោះថា តូយ៉ូតា “Jeep BJ”។ ពេលនោះគឺមិនសូវជាមានសន្ទុះនៃការលក់ខ្លាំងនោះទេ រហូតដល់ម៉ូដែល 20 Series ក្នុងឆ្នាំ ១៩៥៥។ នៅពេលនោះផងដែរ តូយ៉ូតាធ្វើការនាំចេញទៅលក់បានត្រឹមតែ ១០០គ្រឿងប៉ុណ្ណោះ ក្នុងមួយឆ្នាំ ប៉ុន្តែនៅឆ្នាំ១៩៦៥ ចំនួនលក់មានការកើន ជាកំណត់ត្រាថ្មី ដែលមានចំនួនរហូតដល់ទៅ ១ម៉ឺនគ្រឿង។
![](https://images.carscoops.com/2019/09/a3050cf2-toyota_landcruiser_01.jpg)
សព្វថ្ងៃតូយ៉ូតា បានធ្វើការលក់រថយន្តឡង់គ្រីស័រនេះនៅលើពិភពលោកចំនួន ១៧០ ប្រទេស ដែលអាចលក់បានចាប់ពី ៤០មុឺនគ្រឿងក្នុងមួយឆ្នាំ។ តូយ៉ូតា ក៏បានថ្លែងនូវអំណរគុណ និងបាននិយាយបន្ថែមទៀតថា គិតមកដល់ពេលមានរយះពេលជិតកន្លះសតវត្សទៅហើយ ដែលរថយន្តឡង់គ្រីស័រ 40 Series នៅតែអាចប្រើប្រាស់បាន។
រថយន្តឡង់គ្រីស័រ 40 Series ចាប់ផ្តើមសម្ពោធ និងលក់ជាផ្លូវការនៅក្នុងឆ្នាំ១៩៦០ បំពាក់ជាមួយកាឡេកង់ ៤x៤ ប៉ុង ២។
![](https://images.carscoops.com/2019/09/91edfd03-toyota_landcruiser_02-1024x768.jpg)
ក្រោយមកទៀតក៏ចាប់ផ្តើមមានប្រភេទ 70 Series ក្នុងឆ្នាំ ១៩៨៤ និង 90 Series ក្នុងឆ្នាំ ១៩៩៦។