បន្ទាប់ពីចិញ្ចឹមចិត្តអស់រយៈពេលជាច្រើនឆ្នាំ ពេលនេះ ក្រុមហ៊ុន Dreame Technology ដែលល្បីឈ្មោះក្នុងការផលិតម៉ាស៊ីនបូមធូលី និងមនុស្សយន្តរបស់ប្រទេសចិន បានប្រកាសចូលខ្លួននៅក្នុងទីផ្សាររថយន្ត EV ហើយ ដោយក្នុងនោះ ពួកគេនឹងបង្ហាញចេញរថយន្តអគ្គិសនីប្រណិតដំបូងរបស់ខ្លួននៅក្នុងឆ្នាំ ២០២៧។
ជាមួយគ្នានេះ ការប្រកាសចូលខ្លួននៅក្នុងទីផ្សាររថយន្ត EV របស់ក្រុមហ៊ុន Dreame Technology នេះ ក៏មានគោលដៅប្រកួតប្រជែងជាមួយរថយន្តប្រណិតដ៏ល្បី Bugatti Veyron របស់ក្រុមហ៊ុុន Bugatti ផងដែរ។
ក្នុងនោះ បើយោងតាមការបញ្ជាក់ពីក្រុមហ៊ុនផ្ទាល់គឺបានឲដឹងថា សម្រាប់បច្ចេកវិទ្យាដែលនឹងត្រូវយកមកអភិវឌ្ឍន៍សម្រាប់រថយន្តដ៏ប្រណិតនេះ គឺជាដែលបច្ចេកវិទ្យាដែលពួកគេកំពុងប្រើនៅក្នុងម៉ាស៊ីនបូមធូលី Z50 Station ។ លើសពីនេះ រថយន្តនេះ ក៏នឹងទទួលបាននូវបច្ចេកវិទ្យា AI Smart Companion ផងដែរ។
គួរបញ្ជាក់ថា នៅក្នុងពេលបច្ចុប្បន្ននេះ ក្រុមហ៊ុន Dreame Technology ផ្ទាល់ គឺបានប្រមូលក្រុមអ្នកឯកទេសជាង ១ពាន់នាក់ រួចហើយ សម្រាប់ការផលិត និងការអភិវឌ្ឈន៏នូវរថយន្តមួយនេះ ខណៈព័ត៌មានលម្អិតមិនទាន់បានបង្ហាញចេញនៅឡើយទេ៕
