បន្ទាប់ពីត្រូវបានពន្យារពេលនិងលុបចោលនៅឆ្នាំ ២០២០ ដោយសារតែជំងឺរាតត្បាត Covid-19 ពិព័រណ៍រថយន្ត New York Auto Show ឆ្នាំនេះត្រូវបានគ្រោងធ្វើឡើងនៅថ្ងៃទី ២០-២៩ ខែសីហា។
អភិបាលក្រុងញូវយ៉កលោក Andrew Cuomo បានប្រកាសនៅថ្ងៃទី ២ ខែមិថុនាថា ពិព័រណ៍អន្ដរជាតិញូវយ៉កនឹងវិលត្រឡប់មកវិញជាមួយនឹងការបង្ហាញថ្មីនៅឯមជ្ឈមណ្ឌល Jacob Javits នៅចុងខែសីហា។ សំបុត្រនឹងចាប់ផ្តើមលក់ចាប់ពីថ្ងៃទី ៣០ ខែមិថុនានេះតទៅ។
ស្ទើរតែសាលពិព័រណ៍ទាំងមូលនឹងត្រូវបានដាក់បង្ហាញម៉ូដែលរថយន្តអគ្គិសនី ដែលមានសរុបប្រហែល ១ ០០០ ម៉ូដែលនឹងត្រូវចូលរួមនៅក្នុងព្រឹត្តិការណ៍ឆ្នាំនេះ។
ការតាំងពិព័រណ៍ឆ្នាំនេះក៏នឹងត្រឡប់មកវិញ ជាមួយនឹងការរំពឹងទុកថាចំនួនអ្នកចូលរួម នឹងមានចំនួនដូចកាលពីមិនទាន់មានជំងឺរាតត្បាត។ មជ្ឈមណ្ឌល Jacob Javits ថ្មីៗនេះត្រូវបានពង្រីកចន្ថែម និងមានផ្ទៃដី ១១១ ៥០០ ម៉ែត្រការ៉េ ដែលជាការកើនឡើង ៥០ ភាគរយបើប្រៀបធៀបទៅនឹងពេលមុនដែលនេះក៏មានន័យថាមានកន្លែងទំនេរច្រើនផងដែរដែលមិនមានមនុស្សច្រើនប្រមូលផ្តុំគ្នានៅកន្លែងតែមួយ។
ទោះយ៉ាងណាក៏ដោយអ្នករៀបចំនៅតែសង្កត់ធ្ងន់ថាពួកគេតែងតែគោរពតាមបទប្បញ្ញត្តិស្តីពីការការពារជំងឺ។ ការលក់សំបុត្រ និងអនាម័យត្រូវត្រួតពិនិត្យយ៉ាងដិតដល់។
នៅឆ្នាំ ២០២០ ពិព័រណ៍រថយន្តញូវយ៉កពីដំបូងត្រូវបានគេគ្រោងធ្វើនៅថ្ងៃទី ១០-១៩ ខែមេសា ប៉ុន្តែក្រោយមកត្រូវបានពន្យារពេលដល់ថ្ងៃទី ២៨-៨-៦ ខែកញ្ញាដោយសារការរាលដាល។ នៅថ្ងៃទី ២២ ខែឧសភាអ្នករៀបចំកម្មវិធីបានប្រកាសលុបចោលព្រឹត្តិការណ៍នេះពីព្រោះមជ្ឈមណ្ឌលសន្និបាតសម្រាប់ការតាំងពិព័រណ៍បានបន្តប្រើជាកន្លែងព្យាបាលអ្នកជំងឺ Covid-19៕
