យោងតាមប្រភពព័ត៌មានបានឲ្យដឹងថា រថយន្ត Ford Mustang ថ្មី នឹងមានជម្រើសម៉ាស៊ីន Hybrid ដល់ទៅ ២ ជម្រើសឯណោះ។
ក្នុងនោះ រថយន្ត Ford Mustang ស៊េរីឆ្នាំ២០២៣ នឹងបំពាក់ជម្រើសម៉ាស៊ីនចំណុះ ២,៣លីត្រ ទំហំ ៤ស៊ីឡាំង ជាមួយនឹងប្រព័ន្ធ Hybrid និង ម៉ាស៊ីនចំណុះ ៥,០លីត្រ ទំហំ ៨ស៊ីឡាំង ជាមួយប្រព័ន្ធ Hybrid ដូចគ្នា។
ផ្ទាំងផ្សាយពាណិជ្ជកម្ម
ជាមួយនឹងជម្រើសម៉ាស៊ីននេះ មានន័យថា វាជាលើកដំបូងហើយដែល Ford Mustang ផ្តល់ជម្រើសម៉ាស៊ីន Hybrid ខណៈពេលកន្លងមក វាត្រូវបានគេស្គាល់ច្បាស់ដោយសារតែម៉ាស៊ីនទំហំ ៨ស៊ីឡាំង ឬ V8 នេះតែម្តង។
ទោះបីជាយ៉ាងណាក៏ដោយ ព័ត៌មានខាងលើនៅមិនទាន់ទទួលបានការបញ្ជាក់ និងប្រកាសជាផ្លូវការពី Ford ឡើយ ដូច្នេះយើងមានតែរង់ចាំមើលតទៅទៀតប៉ុណ្ណោះ៕
ផ្ទាំងផ្សាយពាណិជ្ជកម្ម
