រថយន្ដអគ្គិសនី BYD Fangchengbao Titanium 3 បានដាក់លក់នៅប្រទេសចិនជាផ្លូវការហើយ ជាមួយចាប់ពី ១៣៣ ៨០០ ដល់ ១៩៣ ៨០០យ័ន ឬស្មើនិង ១៨ ៤០០ ដល់ ២៦ ៦៥២ដុល្លារ រថយន្ដមានទាំងជម្រើសប្រើប្រាស់ប្រព័ន្ធបើកបរ RWD និង AWD អាចបើកបាន ៥០១ គីឡូម៉ែត្រក្នុងការសាកមួយពេញ គិតតាមតាមស្តង់ដារវាស់ចម្ងាយ CLTC ។
ចំពោះម៉ូឌែល Titanium គឺជាផលិតផលទី២ របស់ម៉ាក FangChengBao ដែលផ្តោតលើរថយន្តប្រើប្រាស់ថាមពលអគ្គិសនីសម្រាប់ការប្រើប្រាស់ក្នុងទីក្រុង ហើយវាខុសពីម៉ូឌែល Leopard ត្រង់ថាវាប្រើតួរថយន្តប្រភេទ monocoque body ។ ចំពោះត្រកូល Fangchengbao គឺជាម៉ាករថយន្តអគ្គិសនីប្រណិតរបស់ក្រុមហ៊ុនចិន BYD Auto ដែលត្រូវបានបង្កើតឡើងក្នុងខែមិថុនា ឆ្នាំ ២០២៣។ ឈ្មោះ “Fangchengbao” មានន័យថា “Leopard Equation”។
រថយន្ដ BYD Fangchengbao T3 ដាក់លក់នៅប្រទេសចិនជាមួយជម្រើស៥ម៉ូឌែលផ្សេងគ្នាក្នុងនោះរួមមាន៖
- ម៉ូឌែល Pro អាចបើកបានចម្ងាយ ៥០១គីឡូម៉ែតត្រ ដាក់លក់ក្នុងតម្លៃ ១៨ ៤០០ដុល្លារ
- ម៉ូឌែល Max អាចបើកបានចម្ងាយ ៥០១គីឡូម៉ែតត្រ ដាក់លក់ក្នុងតម្លៃ ២០ ៦០០ដុល្លារ
- ម៉ូឌែល Max AWD អាចបើកបានចម្ងាយ ៥០១គីឡូម៉ែតត្រ ដាក់លក់ក្នុងតម្លៃ ២២ ៥០០ដុល្លារ
- ម៉ូឌែល Ultra AWD អាចបើកបានចម្ងាយ ៥០១គីឡូម៉ែតត្រ ដាក់លក់ក្នុងតម្លៃ ២៣ ៩០០ដុល្លារ
- ម៉ូឌែល Drove Edition អាចបើកបានចម្ងាយ ៥០១គីឡូម៉ែតត្រ ដាក់លក់ក្នុងតម្លៃ ២៦ ៦៥២ដុល្លារ
ម៉ាកយីហោនេះផ្តោតលើការផលិតរថយន្ត SUV ដែលមានសមត្ថភាពខ្ពស់ ដើម្បីបំពេញតម្រូវការទីផ្សាររថយន្ត off-road និងរថយន្តស្ព័រ។ ម៉ូដែលដំបូង គឺ Bao 5 ត្រូវបានដាក់លក់ក្នុងខែវិច្ឆិកា ឆ្នាំ ២០២៣ បន្ទាប់មកម៉ូដែល Bao 8 ក្នុងខែវិច្ឆិកា ឆ្នាំ ២០២៤។ Fang Chengbao ក៏បានសហការជាមួយ Huawei ដើម្បីអភិវឌ្ឍបច្ចេកវិទ្យាបើកបរឆ្លាតវៃ។ ដើម្បីបង្កើនបទពិសោធន៍បើកបរសម្រាប់អ្នកប្រើប្រាស់ ម៉ាកយីហោនេះក៏មានផែនការពង្រីកទីផ្សាររបស់ខ្លួនទៅក្រៅប្រទេស ដោយប្រើឈ្មោះម៉ាក Denza សម្រាប់ទីផ្សារនៅក្រៅប្រទេសចិន៕
