លោក Torsten Muller-Otvos នាយកប្រតិបត្តិ Rolls-Royce បាននិយាយថាតម្រូវការសម្រាប់រថយន្តប្រណីតរបស់ខ្លួន ចាប់ផ្ដើមមានសន្ទុះងើបឡើងវិញ ក្រោយពីការផ្ទុះជំងឺកូវីដ១៩ដែលធ្វើឲ្យប៉ះពាល់ដល់ការលក់របស់ក្រុមហ៊ុន។
លោក Torsten បាននិយាយជាមួយសមាជិកអ្នកសារព័ត៌មានកាលពីថ្មីៗនេះថា តម្រូវការសម្រាប់រថយន្ត Rolls-Royce ចាប់ផ្ដើមមានសន្ទុះឡើងដោយសារការលក់នៅតំបន់អាស៊ី ហើយលោកបានបង្ហាញអំពីគំនិតសុទិដ្ឋិនិយមសម្រាប់ឆ្នាំ ២០២១ ក្រោយពីមានការផ្ទុះជំងឺកូវីដ១៩ដែលរាតត្បាតពេញពិភពលោកនាឆ្នាំ ២០២០ នេះ។
នាយកប្រតិបត្តិរូបនេះនិយាយថា ៖ “យើងឃើញនូវអាជីវកម្មដែលកំពុងមានផ្លែផ្កាល្អចេញពីមកតំបន់អាស៊ី ហើយនៅអឺរ៉ុបក៏ចាប់ផ្ដើមវិលមករកសភាពដែរ។ បើនៅអាមេរិកវិញមានលទ្ធផលលក់ល្អសម្រាប់ខែកក្កដា និងខែសីហា៕
