[បរទេស] ក្រុមហ៊ុនផលិតរថយន្ត Honda បានធ្វើការដាក់បង្ហាញចេញនៅរូបរាងគំរូរថយន្តអគ្គិសនីសុទ្ធជាផ្លូវការម៉ូដែល Honda 0 SUV ស្ថិតនៅក្នុង 0-series នៅឯពិព័រណ៍ CES 2025 ជាមួយគ្នានៅនឹងគំរូ Honda 0 Saloon ប្រភេទ sedan ដែលកំពុងធ្វើឡើងនៅសហរដ្ឋអាមេរិក ។
សម្រាប់គំរូរថយន្តនេះ ត្រូវបាន Honda បញ្ចេញជាលើកដំបូងកាលពីឆ្នាំ ២០២៤ ជាប្រភេទ Minivan ប៉ុន្តែរូបរាងជាផ្លូវការជាប្រភេទ SUV ជាមួយការឌីស្សាញផ្នែកខាងក្រៅបែប futuristic ដោយចង្កៀងមុខ និងឡូហ្គៅ Honda ថ្មី ជាប្រភេទ Pixel-LED ក៏ដូចជាថាសកង់ស្ព័រឌីស្សាញថ្មី និងចង្កៀងក្រោយ LED រាងស្លីមអូសកាត់ពីផ្នែកម្ខាងទៅផ្នែកម្ខាងរាងជាអក្ស U ។
ចំពោះនៅផ្នែកខាងក្នុងឌីស្សាញបែប minimalistic មានកៅអីចំនួន ៥ និងអេក្រង់ touchscreen ភ្លោះរួមបញ្ចូលនៅ កុងទ័របង្ហាញព័ត៌មាន និងអេក្រង់កំសាន្ត សម្រាប់បញ្ជាមុខងារទូទៅនៅលើរថយន្ត រួមទាំងអេក្រង់សម្រាប់សម្រាប់អ្នកដំណើរ និងអេក្រង់សម្រាប់មើលទិដ្ឋភាពផ្នែកខាងក្រៅ ដែលប្រើប្រាស់កញ្ចក់ចំហៀងបែបឌីជីថល ។
គួរបញ្ជាក់ផងដែរថា Honda 0 SUV រំពឹងថា អាចបើកបរបានចម្ងាយជិត ៥០០គីឡូម៉ែត្រនៅពេលសាកថ្មពេញម្តង ដោយផលិតកម្ម នឹងធ្វើឡើងនៅក្នុងរោងចក្ររបស់ Honda នៅសហរដ្ឋអាមេរិកជាមួយគ្នានៅនឹងគំរូ Honda 0 Saloon ប្រភេទ sedan គ្រោងនឹងចេញលក់នៅអាមេរិកខាងជើងនៅដើមឆ្នាំ ២០២៦ ដូចគ្នាផងដែរ ៕
