គ្រាប់អុចតូចៗបង្កប់ក្នុងឡាន Land Cruiser ពេលឆ្លុះជាមួយមីក្រូទស្សន៍ទើបដឹងថាមានបង្កប់ព័ត៌មានពិសេស

ក្នុងវីដេអូ Review រថយន្ត Land Cruiser ដែលចេញផ្សាយកាលពីថ្មីៗកន្លងទៅនេះរបស់ YouTuber រុស្ស៊ីម្នាក់ បានបង្ហាញអំពីគ្រាប់អុចតូចៗដែលមានទីតាំងស្ថិតនៅលើគ្រោងឆ្អឹងរបស់រថយន្តដែលនៅទីតាំងនៃអាគុយ។

គ្រាប់អុចតូចៗទាំងនេះមើលទៅមិនមានអ្វីពិសេសនោះទេ ប៉ុន្តែនៅពេលដែលយកមីក្រូទស្សន៍មកឆ្លុះមើលទើបគេអាចមើលឃើញថាវាមានបង្កប់នូវលេខ VIN (លេខសម្គាល់រថយន្ត) របស់រថយន្ត ដែលមានបង្ហាញបញ្ច្រាសផង និងបង្ហាញត្រឹមត្រូវផង។

ផ្ទាំងផ្សាយពាណិជ្ជកម្ម

ការបង្កប់លេខ VIN បែបនេះគឺដើម្បីការពាររថយន្តពីការលួច ព្រោះថាប្រសិនបើរថយន្តត្រូវលួចបាន ហើយលេខ VIN ដែលមានមើលឃើញច្បាស់ៗត្រូវបានលុបចេញ គ្រាប់អុចតូចៗទាំងនេះអាចជាតម្រុយសម្រាប់សមត្ថកិច្ចក្នុងការតាមដានសញ្ញារបស់រថយន្តដែលបាត់ទៅ។

តាមរយៈវីដេអូ Review ជនខិលខូចអាចដឹងអំពីទីតាំងបង្កប់នេះបាន ប៉ុន្តែគេជឿជាក់ថាក្រុមហ៊ុន Toyota អាចមានបង្កប់លេខ VIN នៅទីតាំងផ្សេងទៀតដែលមានតែក្រុមហ៊ុនផ្ទាល់ទើបអាចដឹងច្បាស់៕

ផ្ទាំងផ្សាយពាណិជ្ជកម្ម