[ទីផ្សារបរទេស] ថ្វីត្បិតតែទើបតែចេញលក់ប៉ុន្មានខែមុនក៏ដោយ ក៏ Toyota Land Cruiser ជំនាន់ចុងក្រោយនេះ បានបង្កើតភាពទាក់ទាញដូចគ្នាទៅនឹងជំនាន់ចាស់ដែរ។ បន្ទាប់ពីកញ្ចប់សម្រាប់គ្រឿងលម្អផលិតដោយ Liberty Walk ឬ Modellista រថយន្ត SUV នេះ ក៏បានទទួលនូងកញ្ចប់ថ្មីពីក្រុមហ៊ុន M’z Speed ដែលជាក្រុមហ៊ុនកែច្នៃពីប្រទេសជប៉ុន។
ទន្ទឹមនឹងនេះ ក្រុមហ៊ុន M’z Speed បានដាក់ឈ្មោះកញ្ចប់នេះថា Exclusive Zeus LUV Line។ បើប្រៀបធៀបទៅនឹងស៊េរីដើម ការផ្លាស់ប្តូរនៅលើប្រភេទរបស់ M’z Speed ជួយឱ្យរថយន្តមើលទៅមានលក្ខណៈស្ព័រ និងកាចជាងមុន។
បើក្រលេកមើលពីខាងមុខវាងាយមើលឃើញថាប៉ាណាខាងមុខថ្មីមិនមានឡូហ្គូ Toyota ទៀតទេ។ កាងខាងក្រោមក៏មានរាងចុះក្រោមដែលមានរន្ធខ្យល់កាន់តែធំ។
របាទ្វាកញ្ចក់ទាំងសងខាងគឺជាការរួមផ្សំនៃផ្លាស្ទិកដែលធ្វើពីក្រូម៉េ និងប្លាស្ទិកពណ៌ខ្មៅ។ បើប្រៀបធៀបទៅនឹងម៉ូដែលដើម ដោយឈ្នាន់ជើងចំហៀងដែលបំពាក់ដោយ M’z Speed នៅលើ Land Cruiser។
ក្នុងនោះដែរ អតិថិជនអាចជ្រើសរើសបំពង់ស៊ីមាំងដែលធ្វើពីកាបូន ឬដែកអ៊ីណុក អាស្រ័យលើតម្រូវការរបស់ពួកគេ។ ក្នុងនោះ Toyota កំពុងផ្តល់ជូននៅប្រភេទចុងក្រោយនៃរថយន្ត SUV ដ៏ល្បីល្បាញរបស់ខ្លួនជាមួយនឹងម៉ាស៊ីនសាំងចំណុះ ៣.៥ លីត្រ Twin-turbo V6 ផលិតកម្លាំងបាន ៤០៩ សេះ និងម៉ាស៊ីនសាំងចំណុះ ៣.៣ លីត្រ twin-turbo V6 ផលិតកម្លាំងបាន ៣០៤ សេះ ដោយថាមពលត្រូវបានបញ្ជូនទៅកង់ទាំង៤តាមរយៈប្រអប់លេខអូតូ ១០ វគ្គ។
សម្រាប់តម្លៃលក់របស់ bodykit ដោយ M’z Speed គឺ ២ ៨៨១ ដុល្លារ ប្រសិនបើអ្នកបញ្ជាការទិញដោយពុំទាន់លាបពណ៌ នឹងកើនឡើងដល់ ៤ ១៣៩ សម្រាប់ឈុតលាបពណ៌៕
