[បរទេស] អ្វីដែលយើងទាំងអស់គ្នាកំពុងរង់ចាំ ប្រហែលជាជិតមកដល់ទៀតហើយ ខណៈពេលនេះគឺចុងឆ្នាំ ២០២១ ទៅហើយ ហើយក៏មិនដឹងថារថយន្តស៊េរីថ្មីចុងក្រោយរបស់ Ford ម៉ូដែល Ranger ស៊េរីថ្មីនេះ នឹងមានអ្វីផ្លាស់ប្តូរផងដែរ។ ប៉ុន្តែថ្ងៃនេះយើងឃើញមានវីដេអូមួយ ដែលបង្ហាញពីការបើកបរសាកល្បងរថយន្តថ្មី តែមិនទាន់បង្ហាញរូបរាងផ្លូវការនូវឡើយទេ។
យោងតាមវីដេអូដែលបង្ហាញ នៅក្នុងបណ្តាញសង្គមយូធូបនោះ បានបង្ហាញពីការបើកបរសាកល្បងផ្លូវដែលពិបាកៗ និងបើកបង្វិលកង់យ៉ាងសាហាវ ក្រោមចំណងជើង Test to The Extream ដែលមានន័យថាសាកល្បងអោយដល់ចំណុចកំពូលបំផុត (បកប្រែក្រៅផ្លូវការ)។ នៅក្នុងនោះបានធ្វើការបើកបរលើផ្លូវ៖ ភក់ Mud, គ្រួស ខ្សច់ Grit, ថ្ម Rock, ទឹកកក Snow និងផ្លូវ Off-Road ជាដើម។
អ្វីដែលចាប់អារម្មណ៌លើរូបរាងនោះគឺមានលេងកាងខាងក្រោយ និងចង្កៀងមុខភ្ជាប់ដោយអំពូលគុជធំ ៣គ្រាប់ផងដែរ។ ទោះជាយ៉ាងនេះក្តី យើងនឹងរង់ចាំមើលការចេញជាផ្លូវការរបស់រថយន្តមួយនេះបន្តទៀត ដែលនឹងធ្វើការចេញផ្សាយលើទំព័រផ្លូវការរបស់ ខេមបូអូតូ ផងដែរ។
ខាងក្រោមនេះ ជាវីដេអូទាំងស្រុងពីក្រុមហ៊ុន Ford ប្រទេសថៃ៖
