ទីផ្សារឡាននៅអាមេរិកអាចត្រូវការពេល២ឆ្នាំ ទើបត្រឡប់មកដូចដើម

អ្នក​ជំនាញ​ក្នុង​ឧស្សាហកម្ម​យានយន្ត​មួយ​រូប​បាន​ធ្វើ​ការ​សន្និដ្ឋាន​ថា​ ​​​ក្រុមហ៊ុន​រថយន្ត​នៅ​អាមេរិក​អាច​នឹង​​ត្រូវ​ការ​ពេល​យ៉ាង​ហោច​ណាស់​ពីរ​ឆ្នាំ​ក្នុង​ការ​ធ្វើ​ឲ្យ​ចំនួន​លក់ និង​ចំនួន​ផលិត​វិល​ត្រឡប់​ទៅ​កាន់​កម្រិត​មុន​ពេល​ផ្ទុះ​ជំងឺ​កូវីដ​១៩។

ប្រធាន និង​នាយក​ប្រតិបត្តិ​នៃ​​មជ្ឈមណ្ឌល​​ស្រាវជ្រាវ​យានយន្ត​លោក Carla Bailo ជឿ​ជាក់​ថា​ការ​វិល​ត្រឡប់​មក​ដូច​ដើម​វិញ​ក្នុង​រយៈពេល​ ២​ឆ្នាំ​នេះ គឺ​​ប៉ាន់​ស្មាន​លើ​ការ​ងើប​ឡើង​វិញ​បន្តិច​ម្ដងៗ​​ចាប់​ពី​​ចុង​ឆ្នាំ ២០២០ ​នេះ​ត​ទៅ។ ប៉ុន្តែ​ប្រសិន​បើ​មាន​​ការ​ធ្លាក់​ចុះ​ម្ដង​ទៀត រយៈពេល​អាច​នឹង​ផ្លាស់​ប្ដូរ​ទៅ​តាម​នោះ​ទៀត។

ផ្ទាំងផ្សាយពាណិជ្ជកម្ម

គួរ​ដឹង​ថា​​នៅ​ត្រីមាស​ទី​ពីរ​ឆ្នាំ ២០២០ នេះ ចំនួន​រថយន្ត​ដែល​លក់​ចេញ​នៅ​ទីផ្សារ​អាមេរិក​មាន​ការ​ធ្លាក់​ចុះ​ប្រមាណ ២៥% ធៀប​នឹង​ត្រីមាស​ទី​ពីរ​ឆ្នាំ ២០១៩ ហើយ​ក្នុង​នោះ​ក៏​មាន​ការងារ​ចំនួន ២​ម៉ឺន​កន្លែង​ត្រូវ​បាត់បង់​ផង​ដែរ​ក្នុង​វិស័យ​​ឧស្សាហកម្ម​យានយន្ត​៕​​​​

ផ្ទាំងផ្សាយពាណិជ្ជកម្ម