ប្រទះឃើញ Mitsubishi Outlander ឆ្នាំ ២០២១ នៅអឺរ៉ុប រូបរាងថ្មីប្លែក

Prototype (ផលិតផល​គំរូ) នៃ​រថយន្ត Mitsubishi Outlander ស៊េរី​ឆ្នាំ ២០២១ ត្រូវ​បាន​ប្រទះ​ឃើញ​បើក​បរ​សាក​ល្បង​​នៅ​អឺរ៉ុប ដោយ​វា​មាន​រចនាបថ​លាយ​បញ្ចូល​នឹង​រថយន្ត Concept ជា​មួយ​នឹង​គ្រោង​ឆ្អឹង​ថ្មី​ផង​ដែរ។

រូបរាង​របស់ Mitsubishi Outlander ថ្មី​នេះ​ទំនង​ជា​ទទួល​បាន​គំនិត​ពី​រថយន្ត Concept Engelberg ដែល​ក្រុមហ៊ុន​បាន​បង្ហាញ​ក្នុង​កម្មវិធី Geneva Motor Show កាល​ពី​ឆ្នាំ​ទៅ។ ជាក់​ស្ដែង​ផ្នែក​ខាង​គឺ​មាន​ផ្ទាំង​ប៉ាណាទំហំ​ធំ និង​មាន​អំពូល LED រាង​ស្ដើង​ដូច​ជា​រថយន្ត Concept។

ផ្ទាំងផ្សាយពាណិជ្ជកម្ម

ទ្រង់ទ្រាយ​របស់ Outlander ឆ្នាំ ២០២១ នេះ​ដែរ គឺ​ខុស​គ្នា​ដាច់​ពី​ម៉ូដែល​ដែល​កំពុង​លក់​បច្ចុប្បន្ន មាន​ន័យ​ថា​វា​នឹង​ជា​រថយន្ត​ជំនាន់​ថ្មី ដែល​ផ្លាស់​ប្ដូរ​រចនាបថ​ថ្មី។ រថយន្ត​ជំនាន់​ថ្មី​នេះ​រំពឹង​ថា​នឹង​បង្ហាញ​មុខ​ក្នុង​កម្មវិធី Paris Auto Show នា​ដើម​ខែ​តុលា​ឆ្នាំ​នេះ៕

ផ្ទាំងផ្សាយពាណិជ្ជកម្ម