រថយន្ត Bentley Betayga ស៊េរីឆ្នាំ ២០២១ បានផ្លាស់ប្ដូរមុខមាត់ថ្មីមួយចំនួន ហើយពេលនេះក្រុមហ៊ុន Bentley បានបង្ហាញចេញនូវ Bentayga Speed ស៊េរីឆ្នាំ ២០២១ មួយទៀត ដែលរថយន្តប្រភេទនេះមានផ្ដោតសំខាន់លើកម្លាំងបន្ថែមពីលើប្រណីតភាព។
រថយន្ត Bentayga Speed ស៊េរីថ្មីនេះគឺមានប្រើប្រាស់ការឌីហ្សាញដូចគ្នានឹងរថយន្ត Bentayga ស៊េរីឆ្នាំ ២០២១ ធម្មតា ដោយវាមានការផ្លាស់ប្ដូររូបរាងខ្លាំងនៅត្រង់ផ្នែកខាងក្រោយ ខុសប្លែកពីស៊េរីឆ្នាំ ២០២០។
យ៉ាងណាក្ដី Bentayga Speed ឆ្នាំ ២០២១ នៅតែមានបំពាក់ម៉ាស៊ីន Twin-Turbocharged ចំណុះ ៦,០លីត្រ ១២ស៊ីឡាំង ដែលផលិតកម្លាំងបាន ៦២៦សេះ។ ម៉ាស៊ីននេះអាចឲ្យរថយន្តស្ទុះពី ០-១០០ គ.ម/ម៉ ក្នុងពេល ៣,៩វិនាទី និងមានល្បឿនអតិបរមា ៣០៦គ.ម/ម៉ ធ្វើឲ្យវាអាចរក្សាឈ្មោះជារថយន្ត SUV លឿនជាងគេក្នុងលោកដដែល។
តម្លៃនៅមិនទាន់បានប្រកាសនៅឡើយនោះទេ ប៉ុន្តែក្រុមហ៊ុនបាននិយាយថា SUV នេះនឹងដាក់លក់នៅសហរដ្ឋអាមេរិក មជ្ឈិមបូព៌ា និងតំបន់អាស៊ីប៉ាស៊ីហ្វិកផងដែរ៕
