រថយន្តអគ្គិសនីម៉ូដែល Ioniq 5 របស់ក្រុមហ៊ុន Hyundai ដែលបានបង្ហាញវត្តមានកាលពីសប្ដាហ៍កន្លងទៅនេះ ទទួលបានការចាប់អារម្មណ៍ខ្លាំងពីសំណាក់មហាជនដោយសាររចនាបថរូបរាង និងមុខងារពិសេសៗរបស់វា។
ពេលនេះមានវីដេអូបង្ហាញច្បាស់ៗអំពីរូបរាងរបស់ Hyundai Ioniq 5 ដោយអាចបង្ហាញឲ្យឃើញថានៅខាងក្រៅរថយន្តនេះមានទំហំប៉ុណ្ណា និងមានភាពទាក់ទាញកម្រិតណា ៖
គួរដឹងថាមុខងារលេចធ្លោមួយរបស់រថយន្តអគ្គិសនីថ្មីនេះគឺសមត្ថភាពសាកកម្លាំង ៨០០វ៉ុល ដោយពេលដែលដោតជាមួយដុំសាក ៣៥០kW អាចឲ្យរថយន្តនេះសាកបញ្ចូលភ្លើងពី ៥% ឡើងដល់ ៨០% ក្នុងពេលត្រឹម ១៨នាទី ហើយសាកថ្មតែ ៥នាទីអាចជិះបានចម្ងាយ ១០០គីឡូម៉ែត្រ។
រថយន្តនេះដែរក៏នឹងមានជម្រើសអាគុយចំនួនពីរប្រភេទគឺទំហំ ៥៨kWh និងទំហំ ៧២,៦kWh។ ប្រភេទដែលមានកម្លាំងខ្លាំងជាងគេអាចផលិតកម្លាំងបាន ៣០២សេះ ហើយស្ទុះពី ០ ដល់ ១០០គ.ម/ម៉ ដោយប្រើពេល ៥,២វិនាទី។ សម្រាប់ប្រភេទអាគុយ ៧២,៦kWh អាចបើកបរបានចម្ងាយប្រមាណពី ៤៧០ ទៅ ៤៨០គីឡូម៉ែត្រពេលសាកភ្លើងពេញ៕
