ម៉ាកប្រណីតកូរ៉េ ប្រកាសសង្គ្រាមជាមួយម៉ាកប្រណីតអឺរ៉ុបហើយ

ម៉ាករថយន្តប្រណីតរបស់កូរ៉េខាងត្បូង Genesis បានរៀបចំផែនការបោះជំហានចូលទីផ្សាររថយន្តប្រណីតរបស់អឺរ៉ុបយ៉ាងប្រុងប្រយ័ត្នបំផុត ហើយនៅពេលនេះពួកគេបានប្រកាសថានឹងចាប់ផ្ដើមអនុវត្តន៍ផែនការនៅត្រីមាសទី៣នៃឆ្នាំ២០២១នេះ។

រថយន្តដំបូងគេរបស់ Genesis ដែលនឹងលក់លើទីផ្សារអឺរ៉ុបនឹងជារថយន្ត G80 ប្រភេទ Sedan និងរថយន្ត GV80 ប្រភេទ SUV ដែលនឹងចេញលក់នៅក្នុងខែមិថុនាខាងមុខនេះ។ បន្ទាប់មកក្រុមហ៊ុននឹងបញ្ចេញលក់រថយន្ត G70, GV70 រួមទាំងរថយន្ត Electrified G80 ផងដែរ។

ដើម្បីចាក់ម៉ាករថយន្តរបស់ខ្លួនឲ្យបានរឹងមាំនៅទឹកដីអឺរ៉ុបដែលកាន់កាប់ដោយម៉ាករថយន្ត Audi, BMW និង Mercedes ក្រុមហ៊ុន Genesis នឹងប្រកាសចេញរថយន្តអគ្គិសនីបន្ថែមចំនួនពីរទៀតក្នុងរយៈពេល១ឆ្នាំដំបូងនៅលើទឹកដីអឺរ៉ុប៕