
[បរទេស] ក្រុមហ៊ុនផលិតរថយន្ត FORD ប្រចាំនៅទីផ្សារប្រទេសថៃ បានធ្វើការដាក់បង្ហាញចេញនៅរថយន្តម៉ូដែលពិសេស Ford Everest Special Edition ស៊េរីឆ្នាំ ២០២៥ នៅឯពិព័រណ៍រថយន្ត Bangkok Motor Show 2025 ជាមួយតម្លៃលក់ផ្លូវការ ៤៧ ១៨៨ ដុល្លារ ។
Ford Everest Special Edition ដំណើរការដោយម៉ាស៊ីនម៉ាស៊ូតចំណុះ ២,០ លីត្រ ជំនួយដោយ Turbocharged ទំហំ ៤ស៊ីឡាំង អាចផលិតកម្លាំងបាន ១៧០ សេញ និងកម្លាំងរមួល ៤០៥ ញ៉ូតុនម៉ែត្រ ប្រើប៉ុង ១ 2WD ភ្ជាប់ដោយប្រអប់លេខអូតូ ៦វគ្គ ។
សម្រាប់ភីកអាប់ Ford Everest Sport Special Edition 2025 ត្រូវបានឌីស្សាញផ្តោតសំខាន់ទៅលើភាពស្ព័រនៅផ្នែកខាងក្រៅជាមួយនឹងពណ៌ខ្មៅដូចជាប៉ាណាមុខមួយផ្ទាំងធំ ឌីស្សាញប្លែកពីម៉ូដែលធម្មតា ចង្កៀងមុខ-ក្រោយ LED រាងជាអក្សរ C ក៏ដូចជាថាកសង់ស្ព័រទំហំ ២០អ៉ីញពណ៌ខ្មៅ កញ្ចក់ចំហៀងមានអំពូលស៊ីញូ LED ជាមួយមុខងារផ្តល់សញ្ញាគ្រោះថា្នក់មកពីផ្នែកចំហៀង Blind-spot monitoring ព្រមទាំងឡូហ្គោអក្សរ EVEREST ពណ៌ខ្មៅផងដែរ ។
ផ្នែកខាងក្នុងក៏បានត្រូវបានតុបតែងជាមួយពណ៌ខ្មៅបែបស្ព័រ បំពាក់កៅអីខាងមុខស្រោបដោយស្បែកអាចលៃតម្រូវថាមពលបាន ៨របៀប កុងទ័របង្ហាញព័ត៌មានឌីជីថល និងអេក្រង់កំសាន្ត touchscreen ប្រភេឬ Multi-Touch ទំហំ ១២ អ៉ីញ ប្រើប្រព័ន្ធប្រតិបត្តិការ SYNC® 4A ដែលគាំទ្រដល់មុខងារ Apple CarPlay និង Android Auto ជាមួយនឹងមុខងារ Always-On តាមរយៈកម្មវិធី FordPass™ ដើម្បីភ្ជាប់មុខងារឆ្លាតវៃផ្សេងៗនៅក្នុងរថយន្ត ៕