រថយន្ដ PHEV បំពាក់មកជាមួយអាគុយធំជាងគេលើលោករបស់ Zeekr ដាក់លក់ជាមួយតម្លៃជាង៦មុឺនដុល្លារ

រថយន្តប្រភេទ SUV ប្រើអគ្គិសនីលាយសាំង Zeekr 9X របស់ក្រុមហ៊ុន Geely Automobile ដែលបំពាក់ដោយអាគុយធំជាងគេបំផុតក្នុងពិភពលោក បានចាប់ផ្តើមបើកទទួលការទិញមុននៅប្រទេសចិន ជាមួយនឹងតម្លៃចាប់ផ្តើម ៦៧ ០៨០ ដុល្លារ។ រថយន្តនេះផ្ដល់ជូនមកជាមួយជម្រើស៣ម៉ូឌែលគឺម៉ូឌែល Max, Ultra និង Hyper មានសមត្ថភាពខ្លាំងជាន់ហើបកង់ ជាមួយកម្លាំងរហូតដល់ ១,០៣០ គីឡូវ៉ាត់ (១,៣៨១ សេះ) និងអាចបើកបរបានចម្ងាយ ១ ២០០គីឡូម៉ែត្រ គិតតាមស្ដង់ដារ CLTC។

Zeekr គឺជាយីហោលំដាប់ខ្ពស់ដែលត្រូវបានបង្កើតឡើងដោយក្រុមហ៊ុន Geely Automobile ក្នុងឆ្នាំ ២០២១។ កន្លងមក ក្រុមហ៊ុននេះធ្លាប់បានលក់តែរថយន្តអគ្គិសនីសុទ្ធប៉ុណ្ណោះ។ ទោះជាយ៉ាងណាក៏ដោយ Zeekr បានដើរតាមនិន្នាការរីកចម្រើនសម្រាប់រថយន្តបែប plug-in hybrid នៅក្នុងប្រទេសចិន។ ដើម្បីឲ្យអស្ចារ្យជាងគេទើបក្រុមហ៊ុន Zeekr បានបំពាក់អាគុយទំហំធំបំផុតលើម៉ូឌែល 9X ដែលធ្វើឲ្យរថយន្តនេះក្លាយ PHEV បំពាក់មកជាមួយអាគុយធំដំបូងបង្អស់របស់យីហោនិងនៅលើភពលោក។ រថយន្ដនេះបានចាប់ផ្តើមបើកទទួលការបញ្ជាទិញមុននៅក្នុងកម្មវិធី Chengdu Auto Show 2025។ 

រថយន្ត Zeekr 9X គឺជាប្រភេទ SUV ពេញលេញ វាប្រវែងតួខ្លួនសរុបដល់ទៅ ៥ ២៣៩មម ទទឹង ២ ០២៩មម កម្ពស់ ១ ៨១៩មម និងប្រវែងគម្លាតកង់មុខក្រោយ ៣ ១៦៩មម។  វាក៏ជារថយន្តដំបូងគេដែលត្រូវបានបង្កើតឡើងនៅលើស្ថាបត្យកម្មថ្មី SEA-S ហើយផ្ដល់ជាមួយជម្រើសប្រាំពណ៌រួមមាន៖ ខ្មៅ, ស, ប្រាក់, ប្រផេះ និងស្វាយ។

ផ្ទាំងផ្សាយពាណិជ្ជកម្ម

ចំពោះផ្ទៃខាងក្នុងរបស់រថយន្ត Zeekr 9X ផ្ដល់ជូនជាមួយជម្រើស៣ពណ៍ក្នុងនោះរួមមាន៖ ពណ៌ខៀវចាស់ (deep blue) ពណ៌ត្នោតខ្ចី (beige) និងពណ៌ត្នោតចាស់ (brown)។ រថយន្តនេះភ្ជាប់មកជាមួយកៅអីស្តង់ដារចំនួនប្រាំមួយ (រចនាប្លង់បែប 2+2+2)។ កុងសូលកណ្តាលរបស់វាមានអេក្រង់ធំ២ទំហំ ១៦ អុីញ។ អ្វីដែលគួរឱ្យចាប់អារម្មណ៍នោះគឺ អតិថិជនអាចបដិសេធមិនយកអេក្រង់បន្ថែមសម្រាប់អ្នកដំណើរខាងមុខបាន ដើម្បីកាត់បន្ថយតម្លៃរថយន្ត 9X បានចំនួន 5 000យន់ ឬស្មើប្រមាណ ៧០០ដុល្លារ។ រថយន្ត Zeekr 9X ក៏បានបំពាក់មកជាមួយមុខងារ (head-up display) ទំហំ ៤៧ អុីញប្រភេទ augmented reality។ ហើយដែលខ្វះបាននៅកៅអីអ្នកដំណើរនៅផ្នែកខាងក្រោយក៏បានបំពាក់មកជាមួយអេក្រង់ទំហំ ១៧អុីញកម្រិត 3Kនៅលើពិដាន។

ខាងក្រោមនេះជាបញ្ជីនិងតម្លៃរបស់ Zeekr 9X ទាំង៣ម៉ូឌែល៖

  • Zeekr 9X Max មានតម្លៃ​ ៦៧ ០៨០ ដុល្លារ
  • Zeekr 9X Ultra មានតម្លៃ ៦៩ ៨៨០ ដុល្លារ
  • Zeekr 9X Hyper មានតម្លៃ ៧៩ ៦៦០ ដុល្លារ

ផ្ទាំងផ្សាយពាណិជ្ជកម្ម