រថយន្ត HONDA CR-V ឆ្នាំ២០២១ នេះកាន់តែទំនើប និងសន្សំសំចៃ

January 9, 2021

Honda CR-V គឺជារថយន្តដែលមានកេរិ៍ឈ្មោះល្បីល្បាញជាយូរមកហើយ ដោយសារតែវាធន់ សន្សំសំចៃ និងមានកាប៊ីនខាងក្នុងធំទូលាយ។ ថ្មីៗនេះ ក្រុមហ៊ុន Phnom Penh Honda បានប្រកាសចេញលក់នូវរថយន្ត CR-V ស៊េរីឆ្នាំ២០២១ ជាផ្លូវការ នៅលើទីផ្សារប្រទេសកម្ពុជា ដោយវាបានទទួលការអាប់ដេតជាច្រើន ជួយឲ្យវាកាន់តែទំនើប និងទាន់សម័យ។

បើប្រៀបធៀបនឹងរថយន្តស៊េរីមុន ឃើញថារថយន្ត HONDA CR-V ២០២១ បានបន្ថែមនូវសមត្ថភាពរបស់ខ្លួនដោយហួសពីការរំពឹងទុកពីសំណាក់អ្នកប្រើប្រាស់ ទាំងបច្ចេកវិទ្យាទំនើបនិងប្រព័ន្ធសុវត្ថិភាពមួយចំនួនថ្មី ដើម្បីធានាក្នុងការបើកបរនិងងាយស្រួយក្នុងការប្រើប្រាស់។ រថយន្ត HONDA CR-V ២០២១ បានផ្លាស់ប្តូរការរចនាថ្មីនៅផ្នែកខាងក្រៅ រួមមាន៖ ប៉ាណា Sport ផ្នែកខាងមុខ ដែលកាន់តែឡូយឆាយ, កាងមុខ ដែលធ្វើអោយរថយន្តកាន់តែមានអានុភាព អមជាមួយនឹង អំពូលកាត់អ័ព្ទប្រភេទLED កាន់តែភ្លឺច្បាស់ល្អ ដែលជួយសំរាលហានិភ័យដែលមើលពុំឃើញ។ ចំណែកចង្កៀងខាងក្រោយរបស់វាក៏មានការរចនាថ្មី Smoke Black highlight ជាប្រភេទ LED ដែលភ្លឺច្បាស់ល្អ ផ្តល់សុវត្ថិភាពកាន់តែខ្ពស់ជាងមុន , យ៉ាន់ថ្មី New Sport Design Alloy wheel ១៨អុីញ និង រួមទាំងបំពាក់ជាមួយ Roof Rails ដែលធ្វើអោយរថយន្តនេះកាន់តែទំនើបនិងទទួលបានការលេចធ្លោជាងមុន។ ហើយរថយន្តនេះក៏មានបំពាក់ជាមួយប្រព័ន្ធវ័យឆ្លាត Power Window ដែលជួយធ្វើអោយកញ្ចក់អូតូឡើងបិទដោយស្វ័យប្រវត្ថិ គ្រាន់តែចុច Lock សោរ, Walk Away Lock ប្រព័ន្ធចាក់សោរដោយស្វ័យប្រវត្ថិនៅពេលដែលដើរចេញពីរថយន្ត, Power Tailgate ប្រព័ន្ធចុចបញ្ជាបិទទ្វារគូទក្រោយអូតូ និងភ្ជាប់ជាមួយសេនស័រ Hand-Free Power Tail gate ដោយគ្រាន់តែប្រើប្រាស់ជើងវាសក្នុងការបិទបើក។

ផ្ទាំងផ្សាយពាណិជ្ជកម្ម

ដោយឡែកបើប្រៀបធៀបជាមួយរថយន្តដទៃទៀតវិញ:

ភាពលេចធ្លោដែលធ្វើអោយ HONDA CR-V ២០២១ នេះទទួលបានការពេញនិយមលើពិភពលោក គឺជារថយន្តមួយដែលមានសុវត្ថិភាពខ្ពស់ ផាសុកភាព សន្សំសំចៃ និងប្រើប្រាស់បានអាយុកាលយូរអង្វែងជាងគេ។
បើនិយាយពីអំពូលវិញ HONDA CR-V ២០២១ នេះបានបំពាក់ជាមួយអំពូល LED បាញ់ភ្លើងបានភ្លឺច្បាស់ល្អ ដែលអាចជះពន្លឺបានចំងាយរហូតដល់១៥០ម៉ែត្រនិងរួមទាំងមានភ្ជាប់ជាមួយមុខងារដ៏ឆ្លាតវ័យបិទបើកដោយស្វ័យប្រវត្តិផងដែរ ។ Daytime Running Lights និង Fog lamp អំពូលកាត់អ័ព្ទក៏បំពាក់ដោយអំពូលប្រភេទ LED ផងដែរ វាជួយសំរាលហានិភ័យខ្ពស់ដែលមើលពុំឃើញ។ ចំពោះអត្ថប្រយោជន៍របស់LEDនេះវិញគឺ បំភ្លឺផ្លូវបានច្បាស់ល្អ មិនងាយឡើងកំដៅដែលជាហេតុធើ្វអោយចង្កៀងរថយន្តមិនងាយស្លកពណ៌ ប្រើប្រាស់ថាមពលពីអាគុយតិចបំផុត និងអាយុកាលប្រើប្រាស់បានយូរ (មិនងាយខូច) ។ ចំណែកចង្កៀងខាងក្រោយរបស់វាក៏មានការរចនាថ្មី Smoke Black highlight ជាប្រភេទ LED ដែលភ្លឺច្បាស់ល្អ ផ្តល់សុវត្ថិភាពកាន់តែខ្ពស់ជាងមុនថែមមួយកម្រិតទៀត។
កញ្ចក់ផ្នែកខាងស្តាំនៃ HONDA CR-V ២០២១ ក៏បានបំពាក់ភ្លើងស៊ីញ៉ូ LED ងាយស្រួលដល់អ្នកបើកបរនៅពីក្រោយរឺបត់បែន និងអ្នកបើកបរនៅក្បែរ និង បំពាក់ជាមួយ Land Watch កាមេរ៉ាសុវត្ថិភាពផ្នែកខាងស្តាំ ដែលជួយសំរួលដល់អ្នកបើកបរ និងបង្កើនសុវត្ថិភាពទ្វេដងក្នុងការបត់ស្តាំ និងគ្រប់ស្ថានភាពផ្លូវចង្អៀត។
ចំពោះផ្នែកកញ្ចក់ទាំង៤ របស់ CR-V ២០២១ បំពាក់ដោយ Power Window ខណះពេលដែលលោកអ្នកចាកចេញពីរថយន្តដោយភ្លេចបិទកញ្ចក់ ដោយគ្រាន់តែចុចតេឡេ Lock នោះវានឹងអូតូឡើងបិទដោយស្វ័យប្រវត្តិ វាក៏មានតួនាទីការពារពីចោរកម្មផងដែរហើយបច្ចេកវិទ្យានេះរថយន្តសេរីថ្មីដទៃទៀតពុំទាន់មានឡើយ។
យ៉ាន់ស្ព័រ New Sport Design Alloy wheel ដែលមានទំហំ 18អ៊ីន ដែលធ្វើអោយកាន់តែឡូយជាងមុន និងជួយទប់លំនឹងបានយ៉ាងល្អ ភ្ជាប់ជាមួយប្រព័ន្ធសុវត្ថិភាពខ្ពស់ និងអាចបើកបរបានគ្រប់ស្ថានភាពផ្លូវលំបាក ។
ចំណែកផ្នែកខាងក្នុងវិញ រថយន្ត SUV ខ្នាតកណ្តាលនេះមាន ប្រវែងតួខ្លួន ៤,៦២៣មីល្លីម៉ែត្រ, ទទឹង ១,៨៥៥មីល្លីម៉ែត្រ, កម្ពស់ ១,៦៥៨មីល្លីម៉ែត្រ ជាមួយនឹងប្រវែងពីកង់មុខទៅកង់ក្រោយ ២,៦៦២មីល្លីម៉ែត្រ ដែលផ្តល់ឲ្យនូវទំហំកាប៊ីនខាងក្នុងធំទូលាយ ងាយស្រួលប្រើប្រាស់ និងមានផាសុកភាពខ្ពស់។ មិនតែប៉ុណ្ណោះ ឃ្លុបខាងក្រោយសម្រាប់ដាក់ឥវ៉ាន់ មានទំហំរហូតដល់ទៅ ៥២២លីត្រ ដែលអាចផ្ទុកបានច្រើនជាងរថយន្តដទៃ សាកសមសម្រាប់ការប្រើប្រាស់ប្រចាំថ្ងៃ។

ក្រឡេកទៅមើលកាប៊ីនខាងក្នុងរបស់វាវិញ មានបំពាក់អេក្រង់កម្សាន្ត ប្រភេទ Touchscreen ទំហំ ៧អុីញ ដែលអាចភ្ជាប់ជាមួយមុខងារ Apple CarPlay និង Android Auto អាចប្រើប្រាស់បានជាមួយ Map មើលបានកាន់តែធំច្បាស់ល្អ។
រីឯចង្កូតស្រោបដោយស្បែកនិងមានប៊ូតុងបញ្ជាជាច្រើនជាមួយមុខងារ Bluetooth Hands-Free Telephone, Audio Streaming, Cruise Control មុខងារកំណត់ល្បឿនថេរនៅលើផ្លូវ Highway, Paddle shift មុខងារបន្ថែមល្បឿនឆ្លាស់ចូលលេខដៃ និង កាន់តែពិសេសនោះគឺ Voice Control ដែលជាមុខងារបញ្ជាដោយប្រើប្រាស់សំលេងយើងផ្ទាល់។ ក្នុងនោះដែរ ដើម្បីឲ្យដំណើរការកម្សាន្តរបស់លោកអ្នកកាន់តែសប្បាយ CR-V មានបំពាក់នូវ Speaker គុណភាពខ្ពស់ចំនួន ច្រើនគ្រាប់ ព្រមទាំង ប្រព័ន្ធម៉ាស៊ីនត្រជាក់ប្រភេទ Dual Zone បាញ់ខ្យល់ចេញគ្រប់ជួរទៀតផង , Rear Camera កាមេរ៉ាមើលក្រោយ ៣សណ្ឋាន និង Front & Rear Sensor សេនស័រចូលចត។

បើនិយាយពីប្រព័ន្ធសុវត្ថិភាពវិញ CR-V ថ្មីនេះ បានបំពាក់ជាមួយបច្ចេកវិទ្យាទំនើបចុងក្រោយ ដើម្បីបង្កើនទំនុកចិត្តកាន់តែខ្ពស់សម្រាប់ការបើកបរបន្ថែមទៀតដូចជា៖

ប្រព័ន្ធចែកហ្រ្វាំង EBD System
ប្រព័ន្ធទប់លំនឹងពេលជាន់ហ្រ្វាំងលើផ្លូវកាច់កោងខ្លាំង AHA System
ប្រព័ន្ធទប់លំនឹងពេលបើកបរផ្លូវកោងឬរអិល VSA System
ប្រព័ន្ធអោយសញ្ញាពេលជាន់ហ្រ្វាំងឈប់បន្ទាន់ ESS System
ហ្វ្រាំងដៃអេឡិចត្រូនិច Electronic Parking Brake System
ប្រព័ន្ធពេលឈប់ស្តុប Auto Brake Hold System
ប្រព័ន្ធត្រួតពិនិត្យសម្ពាធកង់ Tires Pressure Monitoring System
ប្រព័ន្ធផ្តល់សញ្ញាពេលអ្នកបើកបរ ងងុយដេក Drive Attention Level System
ប្រព័ន្ធចាក់សោរអូតូនៅពេលដែលចាកចេញពិរថយន្ត Walk away lock
ពោងសុវត្ថិភាព ៨គ្រាប់
Sensor មុខក្រោយចំនួន ៦គ្រាប់ និងបានប្រើប្រាស់គ្រោងឆ្អឹង G-Force Control ដ៏រឹងមាំស៊ូបានគ្រប់ស្ថានភាពផ្លូវ ជាដើម៕

រថយន្ត CR-V ឆ្នាំ២០២១នេះ មានតម្លៃ ៥៤ ៥០០ ដុល្លារ ប្រសិនបើបងប្អូនមានចំណាប់អារម្មណ៌ អាចធ្វើការទស្សនារថយន្តដោយ ផ្ទាល់នៅក្រុមហ៊ុន ភ្នំពេញហុងដា ដែលមានអាស័យដ្ឋានស្ថិតនៅលើផ្លូវសហព័ន្ធរុស្សី ទល់មុខនឹងព្រលានយន្តហោះភ្នំពេញអន្តរជាតិ និង លេខទូរស័ព្ទ ០២៣ ៩០១ ៨៥៨ / ០១៧ ៨៩៩ ៨៥៥ / ០១៦ ៧៧២ ៥៨៥ ឬតាមរយៈ Facebook Page : Honda Car Cambodia ។