Chevrolet បានបង្ហាញរូបរាងរថយន្តភីកអាប់ Colorado ស៊េរីឆ្នាំ២០២១ កាលពីខែតុលាឆ្នាំមុន ដោយនៅពេលនោះមានតែម៉ូដែល ZR2 ប៉ុណ្ណោះ ប៉ុន្តែឥឡូវនេះ Chevrolet បានបង្ហាញពីមុខមាត់របស់ម៉ូដែល LT និង Z71 ដែលមានតម្លៃថោកជាង។
Chevrolet Colorado ថ្មីទាំង ២ម៉ូដែលនេះ ទទួលបានការអាប់ដេតលើផ្នែកខាងមុខ ព្រមទាំងផ្នែកខាងក្រោយផងដែរ។ ទោះជាយ៉ាងណា ភីកអាប់នេះមិនមានផ្លាស់ប្តូរផ្នែកម៉ាស៊ីនឡើយ ដោយផ្តល់ជម្រើសម៉ាស៊ីនចំណុះ ២,៥លីត្រ ទំហំ ៤ស៊ីឡាំង កម្លាំង ២០០សេះ , ចំណុះ ៣,៦លីត្រ ទំហំ ៦ស៊ីឡាំង កម្លាំង ៣០៨សេះ និង ចំណុះ ២,៨លីត្រ Duramax ទំហំ ៤ស៊ីឡាំង មានកម្លាំង ១៨១សេះ។
ក្រៅពីនោះ វាបានបន្ថែមពណ៌ថ្មីចំនួន៣ និងយ៉ាន់ឌីហ្សាញថ្មី ផងដែរ។ យ៉ាងណាក៏ដោយ តម្លៃនៃ Chevrolet Colorado ឆ្នាំ២០២១ នៅមិនទាន់ត្រូវបានប្រកាសឡើយ ប៉ុន្តែមានរបាយការណ៍អះអាងថា វានឹងថ្លៃជាងស៊េរីឆ្នាំ២០២០៕
ផ្ទាំងផ្សាយពាណិជ្ជកម្ម
ផ្ទាំងផ្សាយពាណិជ្ជកម្ម
