[ទីផ្សារបរទេស] រថយន្ត Haval X DOG ថ្មីត្រូវបានបែកធ្លាយរូបថតមុនពេលចេញលក់ក្នុងពេលឆាប់ៗនេះ ដោយការបង្ហាញថាវានឹងដាក់លក់លើទីផ្សារប្រទេសចិនក្នុងនាមជា Kugou។
សម្រាប់រថយន្ត Haval X DOG គឺជាប្រភេទ SUV ខ្នាតតូច ដែលនឹងដាក់លក់ចេញទៅទីផ្សារបន្ទាប់ពី Big Dog ទទួលបានការឌីហ្សាញរាងប្លែកពីរថយន្តផ្សេងៗទៀត ជាមួយនឹងរូបរាងរាងជ្រុង ចង្កៀងមុខរាងមូល ដែលភ្ជាប់ទៅកាន់ប៉ាណា ទំបូលបើកខាងលើបែប Panoramic ខណៈដែលផ្នែកខាងក្រោយត្រូវបានរចនាឡើងថ្មី ភ្ជាប់ជាមួយឡូហ្គូ HAVAL។
បន្ថែមពីនេះរថយន្ត Haval X DOG មានទំហំបណ្តោយ ១ ៨៧៥ មម, ទទឹង ១ ៧៤៥ មម, កម្ពស់ ១ ៧៤៥ មម និងគម្លាតកង់មុខ-ក្រោយ ២ ៧១០ មម។
រថយន្ត Haval X DOG បានប្រើប្រាស់ជម្រើស ២ ម៉ាស៊ីនសាំងចំណុះ ១,៥លីត្រ Turbocharged ផលិតកម្លាំង ១៨៤ សេះ និងម៉ាស៊ីនសាំងចំណុះ ១,៥ លីត្រ Turbo ផលិតកម្លាំង ១៦៩ សេះ។ យ៉ាងណាមិញចំពោះរថយន្ត Haval X DOG នឹងចេញលក់នៅក្នុងប្រទេសចិននាពេលឆាប់ៗ៕
ប្រភព៖ Sanook
