ឡានកូរ៉េ Genesis G70 ម៉ាស៊ីន V6 កម្លាំងជិត៤០០សេះ អាចជាន់ដល់កុងទ័រ ១០០ មិនដល់៥វិនាទី

​រថយន្ត​ប្រភេទ Sedan ស្ព័រខ្នាត​តូច Genesis G70 របស់ក្រុមហ៊ុន​រថយន្ត​កូរ៉េខាងត្បូង​ ដែល​ជា​គូ​ប្រជែង​របស់ BMW 3 Series បាន​ផ្តោត​ខ្លាំង​លើការបើកបរ , ប្រណីតភាព , ភាពទាក់ទាញ និង រចនាបទ​ដ៏ល្អឥតខ្ចោះ។

ក្រុមហ៊ុន​ដែល​ជា​បុត្រសម្ព័ន្ធ​របស់ Hyundai និង​ជា​ម៉ាក​សញ្ញា​ប្រណីត​របស់​កូរ៉េ Genesis បាន​អះអាង​ថា ម៉ូដែល G70 មាន​គ្រោង​ឆ្អឹង​រឹង​មាំ​បំផុត ជាមួយ​នឹង​ស្ថាបត្យកម្ម​អាលុយមីញ៉ូម និង ដែក​មាន​គុណភាព​ខ្ពស់។ មិន​តែ​ប៉ុណ្ណោះ Genesis G70 ត្រូវ​បាន​គេ​ធ្វើ​ឲ្យ​ទាប​ជាង​មុន ដើម្បី​ជួយ​សម្រួល​ដល់​ការ​បើកបរ​មិន​ឲ្យ​ចាញ់​ខ្យល់​ផង​ដែរ។

ផ្ទាំងផ្សាយពាណិជ្ជកម្ម

រថយន្ត Genesis G70 ស៊េរី​ឆ្នាំ ២០១៩ ប្រភេទ Base Model នឹង​បំពាក់​ម៉ាស៊ីន​ចំណុះ ២,០ លីត្រ Turbo ទំហំ ៤ ស៊ីឡាំង ដែល​បង្កើត​កម្លាំង​បាន ២៥២ សេះ និង​ប្រើប្រាស់​ប្រអប់​លេខ​ស្វ័យប្រវត្តិ ៨ វគ្គ ប៉ុន្តែ​ក៏​មាន​ជម្រើស​ប្រអប់​លេខ​ដៃ ៦ វគ្គ​ដែរ។

ចំពោះ​ប្រភេទ​លេខ​ដៃ ម៉ូដែល G70 នឹង​ផ្តល់​នូវ Option “Performance Package” ដែល​ធ្វើ​ឲ្យ​ម៉ាស៊ីន​របស់​វា​មាន​កម្លាំង​ខ្លាំង​ជាង​មុន (២៥៥ សេះ) , ប្រព័ន្ធ​បំពង់​ស៊ីម៉ាំង​បែប​ស្ព័រ , ហ្វ្រាំង Brembo ដែល​មាន​គុណភាព​ខ្ពស់ រួមទាំង​ការ​ធ្វើ​ឲ្យ​រថយន្ត​ស្រាល​ជាង​មុន​ទៀត​ផង។

ចំណែក​ឯ Genesis G70 ប្រភេទ​ម៉ាស៊ីន​ធំ​វិញ គឺ ចំណុះ ៣,៣ លីត្រ Twin-turbo ទំហំ ៦ ស៊ីឡាំង បង្កើត​កម្លាំង​បាន ៣៦៥ សេះ និង​ប្រើប្រាស់​ប្រអប់​លេខ​ស្វ័យប្រវត្តិ ៨ វគ្គ។ វា​អាច​ស្ទុះ​ពី​កុងទ័រ ០ ដល់ ១០០ គីឡូម៉ែត្រ​ក្នុង​មួយ​ម៉ោង ប្រើ​ពេល​ត្រឹម​តែ ៤,៥ វិនាទី​ប៉ុណ្ណោះ។

ទោះ​បី​ជា​យ៉ាង​ណា ម៉ាស៊ីន​ទាំង ២ នេះ​សុទ្ធ​តែ​មាន Option ប៉ុង ២ ប្រភេទ All-Wheel Drive សម្រាប់​ឲ្យ​ជ្រើស​រើស​បន្ថែម។ យ៉ាង​ណា​ក៏​ដោយ ចំពោះ​តម្លៃ​របស់​វា ក្រុមហ៊ុន​នឹង​បញ្ជាក់​បន្ថែម​ទៀត នៅ​ពេល​ដាក់​បង្ហាញ​ជា​ផ្លូវការ នា​ប៉ុន្មាន​សប្តាហ៍​ខាង​មុខ​នេះ៕

ផ្ទាំងផ្សាយពាណិជ្ជកម្ម