[ទីផ្សារបរទេស] ក្រុមហ៊ុនផលិតរថយន្ត BYD បានផ្តល់ជូនតម្លៃលក់ចុងក្រោយរបស់រថយន្តម៉ូដែលពិសេស BYD Qin Plus DM-I Glory Edition ស៊េរីឆ្នាំ ២០២៤ ប្រភេទ Plug-in hybrid ដែលមានតម្លៃផ្លូវការត្រឹមតែ ១១ ០០០ ដុល្លារប៉ុណ្ណោះនៅក្នុងទីផ្សារប្រទេសចិន ។
BYD Qin Plus DM-I ស៊េរីឆ្នាំ ២០២៤ បំពាក់ជាមួយម៉ាស៊ីនកូនកាត់ Plug-in hybrid ធ្វើការរួមគ្នាជាមួយម៉ាស៊ីនសាំងចំណុះ ១,៥លីត្រ ផ្គួបជាមួយម៉ូទ័រអគ្គិសនីចំនួន ១ អាចផលិតកម្លាំងបានសរុប ៣០៧ សេះ និងកម្លាំងរមួល ៤៦០ ញ៉ូតុនម៉ែត្រ ផ្គួបជាមួយអាគុយប្រភេទ Blade batteries ទំហំ ១៨,៣២ គីឡូវ៉ាត់ម៉ោង អាចបើកបរបានចម្ងាយ ៥៥គីឡូម៉ែត្រ ។
សម្រាប់រថយន្តនេះ មានបំពាក់ជាមួយប៉ាណាមុខទំហំធំ ចង្កៀងមុខ-ក្រោយ LED ព្រមទាំងប្រើប្រាស់នៅថាសកង់ស្ព័រ ខណៈនៅផ្នែកខាងក្នុងវិញ មានភ្ជាប់មកជាមួយអេក្រង់កំសាន្ត touchscreen ទំហំ ១២,៨អ៉ីញ គាំទ្រដោយប្រព័ន្ធប្រតិបត្តិការដ៏ឆ្លាតវៃ DiLink intelligent connectivity system ព្រមទាំងប្រព័ន្ធសោរ Digital-key ផងដែរ ៕
