ឡានអគ្គិសនីខ្នាតតូចរបស់ Honda នឹងលក់តែនៅលើទីផ្សារ២គត់

Honda ក្រុមហ៊ុន​ផលិត​រថយន្ត​របស់​ជប៉ុន ​បាន​ឲ្យ​ដឹង​ថា​រថយន្ត​អគ្គិសនី​ខ្នាត​តូច​របស់​ខ្លួន​នឹង​មាន​ដាក់​លក់​តែ​នៅ​ទីផ្សារ​អឺរ៉ុប និង​ប្រទេស​ជប៉ុន​ប៉ុណ្ណោះ ដោយ​មិន​មាន​ផែនការ​លក់​នៅ​លើ​ទីផ្សារ​ផ្សេង​ទៀត​រួម​ទាំង​អាមេរិក​ខាង​ជើង និង​ប្រទេស​ចិន។

Honda បាន​ឲ្យ​ដឹង​ថា​ខ្លួន​បាន​រំពឹង​ថា​រថយន្ត Honda e នឹង​អាច​លក់​ចេញ​ប្រមាណ ១​ម៉ឺន​គ្រឿង​នៅ​អឺរ៉ុប និង ១​ពាន់​គ្រឿង​នៅ​ជប៉ុន​ ក្នុង​មួយ​ឆ្នាំៗ។ រថយន្ត​នេះ​បាន​ចេញ​លក់​នៅ​អឺរ៉ុប​នា​​ដើម​ខែ​សីហា​នេះ ដោយ​ការ​លក់​នៅ​ទីផ្សារ​ក្នុង​ស្រុក​នឹង​ចាប់​ផ្ដើម​នៅ​ចុង​ខែ​តុលា។

ផ្ទាំងផ្សាយពាណិជ្ជកម្ម

រថយន្ត Honda e ក្រុមហ៊ុន​បាន​បញ្ជាក់​ថា​មិន​មែន​សម្រាប់​ប្រកួត​ប្រជែង​ជា​មួយ Tesla ឬ​ក្រុមហ៊ុន​ដទៃ​ទៀត​នោះ​ទេ ដោយ​រថយន្ត​នេះ​គឺ​​ផលិត​ឡើង​សម្រាប់​ការ​ប្រើ​ប្រាស់​ក្នុង​ក្រុង ការ​បើកបរ​រយៈ​ចម្ងាយ​ជិត​ ដែល​ពេល​សាក​ភ្លើង​ពេញ​ជិះ​បាន​ចម្ងាយ​ប្រមាណ ២២០​គីឡូម៉ែត្រ៕

ផ្ទាំងផ្សាយពាណិជ្ជកម្ម