[បរទេស] ការលក់រថយន្តរបស់ក្រុមហ៊ុនរថយន្តយក្សរបស់កូរ៉េខាងត្បូងគឺ Hyundai និង Kia នៅទីផ្សារសហរដ្ឋអាមេរិក ក្នុងឆ្នាំ ២០២៥ ទទួលកំណត់ត្រាថ្មី រួមជាមួយនឹងរថយន្តអគ្គិសនីសុទ្ធ EV ថ្មីដែលកំពុងជួយបង្កើននៃការលក់ដល់ក្រុមហ៊ុនទាំង ២ នេះ ។
ក្នុងនោះ សម្រាប់ការលក់របស់ក្រុមហ៊ុនផលិតរថយន្តទាំង ២ នេះ នៅទីផ្សារសហរដ្ឋអាមេរិក ដោយ Kia លក់បានចំនួនសរុប ៧៩៧ ០០០ គ្រឿង កើនឡើង ១,៨% ពីឆ្នាំ ២០២៣ ខណៈ Hyundai លក់បានចំនួនសរុប ៨៣៦ ៨០០ គ្រឿង កើនឡើង ៤% ។
ជាមួយគ្នានេះ សម្រាប់ចំនួនសរុបខាងលើ ក្រុមហ៊ុន Kia បានលក់រថយន្តអគ្គិសនីសុទ្ធ Kia EV9 បានចំនួនសរុប ២២ ០០០ គ្រឿង និង Kia EV6 បានចំនួន ២១ ៧១៥ គ្រឿង នៅទីផ្សារសហរដ្ឋ។ ចំណែកក្រុមហ៊ុន Hyundai បានលក់រថយន្តអគ្គិសនីសុទ្ធម៉ូដែល Hyundai Ioniq 5 បានចំនួន ៤៤ ៤០០ គ្រឿង កើនឡើងពីឆ្នាំ ២០២៣ ដល់ទៅ ៣១% ។
បន្ថែមពីនេះ ជាមួយនឹងរថយន្តអគ្គិសនីថ្មីបានមកដល់ និងរោងចក្រថ្មីរបស់សហរដ្ឋអាមេរិកកំពុងដំណើរការ ក្នុងនោះ ក្រុមហ៊ុនរថយន្តយក្សរបស់ប្រទេសកូរ៉េទាំង ២ នេះ នឹងត្រៀមខ្លួនជាស្រេចដើម្បីបំពេញតម្រូវការបន្ថែមទៅកាន់អតិថិជនរបស់ខ្លួននៅឆ្នាំ ២០២៥ ៕
