[ទីផ្សារបរទេស] ក្រុមហ៊ុនផលិតរថយន្ត GAC AION ប្រចាំនៅទីផ្សារប្រទេសថៃ គ្រោងនឹងធ្វើការដាក់បញ្ចេញនៅរថយន្តអគ្គិសនីសុទ្ធ GAC Aion UT ស៊េរីថ្មីចុងក្រោយ ជាមួយតម្លៃលក់ចាប់ពី ១២ ៣៥០ ដុល្លារ ដល់ ១៥ ១០០ ដុល្លារ សម្រាប់ប្រជែងជាមួយ BYD Dolphin ។
GAC Aion UT បំពាក់ម៉ូទ័រអគ្គិសនីចំនួន ១ អាចផលិតកម្លាំងបាន ១៣៥ សេះ និងអាគុយទំហំ ៤៤,១២ គីឡូវ៉ាត់ម៉ោង អាចបើកបរបានចម្ងាយ ៤២០ គីឡូវ៉ាត់ម៉ោង នៅពេលសាកថ្មពេញម្តង ដោយការសាកថ្មពីស្ថានីយល្បឿនលឿន អាចសាកបានពី ៣០-៨០% ប្រើរយៈពេល ២៤នាទីប៉ុណ្ណោះ ។
រថយន្តនេះមានប្រវែងតួខ្លួនសរុប ៤ ២៧០ ម.ម ទទឹង ១ ៨៥០ ម.ម កំពស់ ១ ៥៧៥ ម.ម និងប្រវែងគម្លាតកង់មុខ-ក្រោយ ២ ៧៥០ ម.ម ។ សម្រាប់រូបរាង និងការឌីស្សាញរបស់ GAC Aion UT មានលក្ខណៈបែបស្ព័រ ជាមួយប៉ាណាមុខបិទជិត ចង្កៀងមុខ-ក្រោយ LED ឌីស្សាញឲ្យឈ្មោះថា Bird-Eye ព្រមទាំងថាសកង់ស្ព័រទំហំ ១៧អ៉ីញជាដើម ។
ចំពោះនៅផ្នែកខាងក្នុងឌីស្សាញបែប minimalistic មានកុងទ័រព៌ត័មានឌីជីថលទំហំតូច និងអេក្រង់កម្សាន្ត touchscreen ទំហំធំសម្រាប់បញ្ជាមុខងារទូទៅនៅលើរថយន្ត ក៏ដូចជាកន្លែងសាកថ្មឥតខ្សែ និងប្រព័ន្ធ ADAS ដ៏ឆ្លាតវៃជាច្រើនមុខងារផងដែរ៕
