[បរទេស] បន្ទាប់ពីបានដាក់បង្ហាញគំរូនៅក្នុងឆ្នាំ ២០២៤ ពេលនេះ ក្រុមហ៊ុនផលិតរថយន្ត Honda បានធ្វើការដាក់បង្ហាញចេញនៅរូបរាងគំរូរថយន្តអគ្គិសនីសុទ្ធជាផ្លូវការ Honda 0 Saloon ប្រភេទ Sedan ស្ថិតនៅក្នុង 0-series នៅឯពិព័រណ៍ CES 2025 ដែលកំពុងធ្វើឡើងនៅសហរដ្ឋអាមេរិក ។
សម្រាប់រថយន្ត Honda 0 Saloon មានរូបរាង និងការឌីស្សាញផ្នែកខាងក្រៅស្រដៀងគ្នាទៅនឹងរថយន្តរបស់ក្រុមហ៊ុន Lamborghini ជាមួយកំពស់ទាប ដោយប្រើប្រាស់កញ្ចក់ចំហៀងបែបឌីជីថលដែលបង្ហាញទិដ្ឋភាពនៅកាន់អេក្រង់ខាងក្នុង ក៏ដូចជាចង្កៀងមុខ-ក្រោយ LED ឌីស្សាញបែបអនាគត នឹងមិនមានប្រើប្រាស់នៅដៃទ្វានោះទេ ។
ចំពោះនៅផ្នែកខាងក្នុងឌីស្សាញបែប minimalistic មានកៅអីចំនួន ៥ និងអេក្រង់ touchscreen សម្រាប់បញ្ជាមុខងារទូទៅនៅលើរថយន្ត ក៏ដូចជាដៃចង្កូតប្រភេទ yoke-style រួមជាមួយនឹងចង្កឹះលេខនៅពីក្រោយ ។
គួរបញ្ជាក់ផងដែរថា Honda 0 Saloon រំពឹងថា អាចបើកបរបានចម្ងាយជិត ៥០០គីឡូម៉ែត្រនៅពេលសាកថ្មពេញម្តង ដោយផលិតកម្មនឹងធ្វើឡើងនៅក្នុងរោងចក្ររបស់ Honda នៅសហរដ្ឋអាមេរិក គ្រោងនឹងចេញលក់នៅអាមេរិកខាងជើងនៅដើមឆ្នាំ ២០២៦ ៕
