[បរទេស] ក្រុមហ៊ុនផលិតរថយន្ត BYD បានធ្វើការដាក់បង្ហាញចេញនៅលក្ខណៈពិសេសរបស់រថយន្ត BYD YangWang U9 ប្រើថាមពលអគ្គិសនីសុទ្ធ ដែលមានតម្លៃលក់ចាប់ពី ១៤០ ០០០ ដុល្លារនៅទីផ្សារប្រទេសចិន ។
ដោយរថយន្តនេះ ប្រវែងតួខ្លួនសរុប ៤ ៩៦៦ ម.ម ទទឹង ២ ០២៩ ម.ម កំពស់ ១ ២៩៥ ម.ម និងប្រវែងគន្លាតកង់មុខ-ក្រោយ ២ ៩០០ ម.ម និងមានទម្ងន់ ២,៥ តោន ត្រូវបានបំពាក់ជាមួយម៉ូទ័រអគ្គិសនីមិនតិចជាង ៤ មានកម្លាំងសរុប ១២៨៧ សេះ ដោយអាចរត់ស្ទុះពីកុងទ័រ ០-១០០ គីឡូម៉ែត្រក្នុងមួយម៉ោងប្រើរយៈពេលតែ ២វិនាទី និងមាន Top speed ៣០០ គីឡូម៉ែត្រក្នុងមួយម៉ោង ផ្កួបជាមួយអាគុយទំហំ ១០០ គីឡូវ៉ាត់ម៉ោងអាចបើករបានចម្ងាយ ៧០០ គីឡូម៉ែត្រនៅពេលថ្មពេញម្តង ។
មិនត្រឹមតែប៉ុណ្ណោះ លក្ខណៈពិសេសដែលគួរឱ្យចាប់អារម្មណ៍បំផុតរបស់ U9 គឺប្រព័ន្ធ suspension ដែល BYD ហៅវាថា Disus-X system ប្រព័ន្ធនេះអនុញ្ញាតឲ្យរថយន្តអាចបើកបរដោយប្រើប្រាស់ដោយកង់បី ហើយវាថែមទាំងអាចលោតឡើងចុះបានទៀតផង៕
