ជាមនុស្សជាច្រើនកំពុងរង់ចាំអ៊ុតមើលរថយន្ត Ford Bronco ស៊េរីឆ្នាំ២០២១ ថ្មី ប៉ុន្តែការរង់ចាំនោះអាចនឹងត្រូវបញ្ចប់ក្នុងពេលឆាប់ៗ។
យោងតាមរបាយការណ៍មួយអះអាងថា រថយន្ត SUV មានសមត្ថភាព Off-road មិនធម្មតាមួយនេះ នឹងបង្ហាញខ្លួនក្នុងកម្មវិធី 2020 New York Auto Show នាខែមេសា ឆ្នាំ២០២០ នេះតែម្តង ស្របពេលដែលរបាយការណ៍ពី Automotive News ឲ្យដឹងថា ការបង្ហាញជាផ្លូវការនឹងធ្វើឡើងក្នុងខែមិនា។
ជាមួយគ្នានេះ ក៏មានរបាយការណ៍មួយចំនួនអះអាងទៀតថា រថយន្ត Ford Bronco នោះ នឹងទទួលបានឈ្មោះថ្មីហៅថា Ford Maverick ខណៈឈ្មួញរថយន្តមួយចំនួននិយាយថា វានឹងត្រូវហៅ Ford Bronco Sport។ ទោះជាយ៉ាងណា នេះគ្រាន់តែជារបាយការណ៍បឋមប៉ុណ្ណោះ និងមិនទាន់មានការបញ្ជាក់ជាផ្លូវការពីក្រុមហ៊ុន Ford ឡើយ។
យ៉ាងណាក៏ដោយ Ford មានសង្ឃឹមដណ្តើមទីផ្សារខ្ពស់ពី Bronco ដែលនឹងចេញលក់ជាម៉ូដែលទ្វារ២ និងទ្វារ៤ ហើយរំពឹងថានឹងលក់បានយ៉ាងហោចណាស់ ២០០ ០០០គ្រឿងក្នុងឆ្នាំ២០២១៕
