គេហទំព័ររបស់អង់គ្លេសមួយ បានរកឃើញថា ជាមធ្យមរថយន្ត Audi Q7 E-Tron ស៊ីសាំងប្រមាណ ៦,៧ លីត្រ សម្រាប់ការបើកបរចម្ងាយ ១០០ គីឡូម៉ែត្រនៅក្នុងក្រុង ខណៈ Audi Q7 ប្រើម៉ាស៊ីនម៉ាស៊ូតចំណុះ ៣,០ លីត្រ ទំហំ ៦ ស៊ីឡាំង ស៊ីសាំងចន្លោះពី ៩ ទៅ ១២ លីត្រ។
នៅពេលរថយន្ត Audi Q7 E-Tron ត្រូវបានណែនាំដំបូង ក្រុមហ៊ុនបានអះអាងថា វាស៊ីសាំងត្រឹមតែ ១,៧ លីត្រប៉ុណ្ណោះក្នុងការបើកបរចម្ងាយ ១០០ គីឡូម៉ែត្រ ប៉ុន្តែតួលេខនេះត្រូវបានវាស់នៅក្នុងមន្ទីរពិសោធន៍ លើលក្ខខណ្ឌដ៏ល្អបំផុត។
សូមបញ្ជាក់ថា រថយន្ត Audi Q7 E-Tron ប្រើប្រាស់ម៉ាស៊ីនសាំង និង អាយុ Plug-in Hybrid កម្លាំង ១៧,៣ គីឡូវ៉ាត់ម៉ោង មានកម្លាំងសរុប ៣៧៣ សេះ ដែលអាចស្ទុះពី ០ ដល់ ១០០ គីឡូម៉ែត្រក្នុងមួយម៉ោង ប្រើពេល ៦ វិនាទី។ ក្រៅពីស៊ីសាំងតិច រថយន្ត SUV ដ៏ទំនើបនេះក៏អាចបើកបរដោយប្រើថាមពលអគ្គិសនីសុទ្ធ បានចម្ងាយ ៥៤ គីឡូម៉ែត្រផងដែរ ។
រថយន្ត Audi Q7 E-Tron ប្រើម៉ាស៊ីនសាំងផង Hybrid ផង និង អាចសាកភ្លើងផងនេះ មានតម្លៃចាប់ពី ៥០ ០០០ ដុល្លារឡើងទៅនៅលើទីផ្សារអាមេរិក៕
