អេមបាត់! ឡាន Audi ប្រើអគ្គិសនី អាចសាកភ្លើង ៨០% ប្រើពេលត្រឹម ១២ នាទី

នាពេលថ្មីៗនេះ ក្រុមហ៊ុន Audi អះអាង​ថា រថយន្ត​អគ្គិសនី​របស់​ខ្លួន​នឹង​មាន​សមត្ថភាព​សាក​ភ្លើង​ល្បឿន​លឿន រហូត​ដល់​ទៅ ៨០% ដោយ​ប្រើ​ពេល​ត្រឹមតែ ១២ នាទី​ប៉ុណ្ណោះ ចាប់​ពី​ឆ្នាំ ២០២០ ត​ទៅ។

Audi e-Tron

បច្ចុប្បន្ន Audi មាន​រថយន្ត SUV អគ្គិសនី​ដំបូង​បង្អស់​របស់​ខ្លួន ម៉ូដែល e-Tron ដែល​មាន​សមត្ថភាព​សាកភ្លើង ៨០% ​ប្រើ​ពេល ៣០ នាទី ជាមួយ​នឹង​ការ​ប្រើប្រាស់​ខ្សែ​សាក​កម្លាំង ១៥០ គីឡូវ៉ាត់​ម៉ោង។

ទោះ​បី​ជា​យ៉ាង​ណា Audi នឹង​បញ្ចេញ​រថយន្ត​អគ្គិសនី​មួយ​ម៉ូដែល​ទៀត គឺ e-Tron GT ដែល Upgrade ​ខ្សែសាកទៅ​ជា​កម្លាំង ៣៥០ គីឡូវ៉ាត់​ម៉ោង ដើម្បី​អាច​ឲ្យ​វា​សាក​កាន់​តែ​លឿន ពោលគឺត្រឹម ១២ នាទីប៉ុណ្ណោះ ដោយប្រើជាមួយនឹងអាគុយ ដែលអាចទ្រទ្រង់​កម្លាំងសាកដ៏ខ្លាំងនេះបាន នៅ​ក្នុង​ឆ្នាំ ២០២០៕

ផ្ទាំងផ្សាយពាណិជ្ជកម្ម
Audi e-Tron GT
ផ្ទាំងផ្សាយពាណិជ្ជកម្ម