រថយន្ត Ram 1500 TRX ស៊េរីឆ្នាំ ២០២១ មានបំពាក់នូវម៉ាស៊ីនសមត្ថភាពខ្លាំងអស្ចារ្យដែលអាចផលិតកម្លាំងបាន ៧០២សេះ និងអាចស្ទុះពី ០-៩៦គ.ម/ម៉ ដោយប្រើប្រាស់ពេលត្រឹម ៤,៥វិនាទី។
ដោយសារតែកម្លាំងខ្លាំង ហេតុនេះ Ram 1500 TRX ក៏ស៊ីប្រេងឥន្ធនៈច្រើនណាស់ដែរ។ បើផ្អែកតាមការប៉ាន់ស្មានផ្លូវការរបស់ស្ថាប័ន EPA បានឲ្យដឹងថារថយន្តភីកអាប់ TRX មានកម្រិតស៊ីប្រេង ២៣,៥២លីត្រ/១០០គ.ម សម្រាប់ការបើកក្នុងក្រុង និង ១៦,៨លីត្រ សម្រាប់ការបើកលើផ្លូវលាត ដែលជាមធ្យមគឺ ១៩,៦លីត្រ/១០០គ.ម។
បើប្រៀបនឹងគូប្រជែង Ford F-150 Raptor ម៉ាស៊ីន ៦ស៊ីឡាំងរបស់ F-150 មានកម្រិតស៊ីប្រេងតិចជាង។ បើកក្នុងក្រុង១០០គ.ម ម៉ាស៊ីន ៣,៥លីត្រ ប្រភេទ Twin-Turbocharged របស់ F-150 Raptor ស៊ីប្រេង ១៥,៦៨លីត្រ និងបើកលើផ្លូវលាតស៊ី ១៣,០៦លីត្រ ហើយគិតជាមធ្យមគឺ ១៤,៧លីត្រ៕
